2 KORINTH 1:14 - Pathien Lekhabu Inthieng (BSI)

¹⁴ Ei Lalpa Isu nia chun nangni kan isuonghai in ni ding a nih ti nangni mi ṭhenkhatin in mi awipêk ta ang khan.

2 KORINTH 1:14 ပူးပေါင်းရင်းမြစ်များ

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si nawh a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 11:18

A hmasatakin, kohran anga in inkhâwm chângin nangni lai inṭhena a um hlak ti thu ka lo hriet sih a; iemani chenah ka ring deu bawk a nih.

1 KORINTH 15:31

Unauhai, ei Lalpa Isu Kristaa ka suongna cheu chu sâlin, “Ni tinin ka thi hlak,” ka ti a nih.

2 KORINTH 2:5

Nisienlakhawm, tûkhawmin mi- hai a suklungngai chun, keima chau a mi suklungngai a ni nawh a; uortaka ti cheu khawm ni loin in rêngin a suklungngai met seng cheu a nih.

2 KORINTH 5:12

In kuomah kan inhrilmawi nâwk a ni nawh a, lungril tieng ni loa, ân lang el zawngtuhai chu ieng amanih dawnna in nei theina dingin keini tienga suongna san siempêk cheuin kan hril lem a nih.

2 KORINTH 9:2

inzosa zinga um in nih ti ka hriet sih a, chu kawng thua chun, “Kum khat a ni tah, Akaia ram chu inbuotsaiin an um tah,” tiin Makedonia rama mihai kuomah ka suong hlak cheu a; chuongchun, in ṭhahnemngaina chun anni laia mi tamtak a chawkhar tah a.

PHILIPPI 1:10

Chuongchun, Krista nia chun inthieng le sawisêlbo in ni theina dingin, thil ṭha bîkhai chu ṭha ti thei in ta,

PHILIPPI 1:26

chuongchun, in kuoma ka um nâwk ding leiin in mi suongna chu Krista Isua a nasat nâwkzuol theina dingin.

PHILIPPI 1:6

Nangnia thilṭha thaw phuttu khan Isu Krista ni chen chun a thaw famkim pei ding a nih; chu ngei chu ka ring tlat sih a.

PHILIPPI 2:16

Chuongchun, a thlâwna tlân ka ni nawh a, a thlâwna sininrim ka ni bawk naw leiin Krista nia chun suong ding nei thei ka tih.

PHILIPPI 4:1

Chuleiin, ka unau dittak le ka ngaitak, ka lâwmna le ka lallukhumhai, chuong ang chun Lalpaah ngîr det ro, ka dittakhai.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

1 THESSALONIKA 5:23

Chun, inremna Pathien ngei chun, in pumin sukthieng raw se cheu; chun, in thlarau le, in lungril le in taksa chu ei Lalpa Isu Krista a hung pha chun, sawisêlboa a puma humhimin um raw se.