2 KORINTH 1:11 - Pathien Lekhabu Inthieng (BSI)

¹¹ ṭawngṭaina tamtak dawnnaa malsâwmna kan dawnghai leiin mi tamtakin kan aia lâwmthu hrilna an nei theina dingin nangni khawma ṭawngṭainain mi ṭhangruolpui tlat ro.

2 KORINTH 1:11 ပူးပေါင်းရင်းမြစ်များ

ISAI 37:4

Rabsake, a pu Assuria lalin Pathien hring hrilse dinga a itirpa thuhrilhai chu LALPA i Pathienin a naa a hriethai chun la kâwk ngei a tih; chuleiin, hlabîka la umhai ta ding hin i ṭawngṭâina chu hang inhlân rawh,’ a tih a,” an ta.

THILTHAWHAI 12:5

Chuleiin, Peter chu intângna inah ân umtir hrih a; nisienlakhawm, kohranhaiin ama ta dingin ṭha- hnemngaitakin Pathien kuomah an ṭawngṭaipêk hlak a.

2 KORINTH 4:15

Iengkim nangni ṭhatna ding a ni sih a, lunginsietna chu mi tam lem zâra sukpunga umin, Pathien ropui- na dinga lâwmthu nasatak ân hriltir theina dingin.

2 KORINTH 9:14

Anni ngei khawmin in chungah Pathien lunginsietna a nasa bêk bêk leiin, in ta dinga ṭawngṭai pêk zing cheuin an ngai hle cheu a nih.

PHILIPPI 1:19

Chu chu in mi ṭawngṭaipêkna lei le Isu Krista Thlarau a mi pêk leiin ka sandamna hung ning a tih ti ka hriet sih a.

KOLOSSA 4:3

Khuopa ka umna san, Krista thurûk chu hril dinga Pathienin thu ta dinga kawt a mi hawngpêk theina dingin, kei ngei khawm mi ṭawngṭai pêk ro;

1 THESSALONIKA 5:25

Unauhai, mi ṭawngṭaipêk ro.

2 THESSALONIKA 3:1

A tâwp taka chun,unauhai, kan ta dingin mi ṭawngṭaipêk ro; Lalpa thu hi nangni laia a um ang khan, hrâttaka indara chawimawia a um theina ding le,

PHILEMON 1:22

Iengkhawm ni sienla, chu chau chu thaw loin, tlungin ding khawm mi lo buotsaipêk bawk la, in ṭawngṭainahai leiin in kuomah pêk ka ni ding a nih ti ka ring sih a.

HEBRAIHAI 13:18

Kan ta dingin mi ṭawngṭaipêk ro, iengkimah feltaka um tumin, sie le ṭha hrietna inthiengtak kan nei ti indiktakin kan inhriet sih a.