1 TIMOTHE 6:5 - Pathien Lekhabu Inthieng (BSI)

⁵ lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

1 TIMOTHE 6:5 ပူးပေါင်းရင်းမြစ်များ

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

MATTHAI 12:33

“Thing chu a ṭha a, a ra khawm a ṭha, in ti naw nghâl an leh, thing chu a sie a, a ra khawm a sie, ti nghâl nghâl ro; thing chu a rain ân hriet sih a.

MATTHAI 21:13

an kuomah, “ ‘Ka in chu ṭawngṭaina in tîng an tih,’ ti ziek a na, nangni ruok chun suomhmanghai pûkin in siem lem hlak a nih,” a ta.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

1 KORINTH 11:16

Tukhawmin, hi thu hi a lo sêl a ni khawmin, chuong thila chun keinîn thawdân kan nei nawh a, Pathien kohranhai khawma an nei bawk nawh.

2 THESSALONIKA 3:6

Chun, unauhai, kan kuoma inthawka thurosie an ihmu anga um loa, um ṭha nuom lo, unau tinrêng- haia inthawk chun insiekieng dingin, ei Lalpa Isu Krista hmingin thu kan pêk cheu.

1 TIMOTHE 1:6

mi ṭhenkhathai an fe kâwi leiin chu chu an pêtsan a, thu teplo hrilna tieng an fe ta lem a.

1 TIMOTHE 3:3

uoin inrui hmang naw, mi vuo hmang naw, mi nunnêmtak ni lem ding, mi kâwmaw ni lo, tangka sum ngaina naw mi,

1 TIMOTHE 3:8

Chuong ang bawkin, kohran rawngbâwltuhai chu mi inzaum an ni ding a nih; bâutam dâm, uoin he dâm, hlêpna inthieng nawa duâm mi an ni ding a ni nawh;

1 TIMOTHE 4:7

Amiruokchu, Pathien inza nâw- na le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

1 TIMOTHE 6:6

Pathien ngaisak hi lungawina ṭhang chun hlâwkna nasatak a ni hrim a nih.

2 TIMOTHE 3:5

Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

2 TIMOTHE 3:8

Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûk- tirin, mihai a sûng sûngin an chawk khawhlo hlak sih a.

2 PETER 2:15

Bosar naupa Balaam, thil suk- suol hlaw ngainatu lampui chu an hraw leiin lampui indik chu an mâksan a, an invâk hmang tah a.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

JUDA 1:11

An chung a rik ie! Kaina lampui chu an hraw a, hlaw hmu dingin Balaam suol lampuia chun an tlân rak rak a. Kora helnaa chun an bohmang ta kha.

THUPUONGSUO 18:13

thingzungthak dâm, thil rimin- hnik dâm, riminhnik rawmi dâm, innâlna chi dâm, murra dâm, beraw dâm, uoin dâm, sahriek dâm, beiphit indi tak dâm, bu dâm, sebâwng dâm, berâm dâm leh; sakawr dâm, tawlailîr dâm, suok dâm leh; mihriem hringna dâm leh a nih.

THUPUONGSUO 18:3

A mi dit chîng leia a lunginsenna uoin chu hnam po poin an dâwn ta sih a; hnuoia lalhai chun ama chu an dit hlak a, hnuoia sumdâwngtuhai chun ân hawitir taluotna chu an hausak pha hlak,” tiin a khêk a.