1 TIMOTHE 6:16 - Pathien Lekhabu Inthieng (BSI)

¹⁶ Ama chau chun thi thei nawna a nei a, var hnai thei ruol loa chun a um a, ama chu tûkhawmin an hmu ngai nawh a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

1 TIMOTHE 6:16 ပူးပေါင်းရင်းမြစ်များ

JOB LEKHABU (THE BOOK OF JOB) 37:23

Iengkimthawthei chu ei hmu suok thei nawh, Thilthawtheina le indiknaah a ropui a, Felna a hau a, nêksâwr naw nih.

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 90:2

Tlânghai insieng hmaha, Leihnuoi le khawvêl în ngîr hma khawm khan, Chatuona inthawka chatuon chenin nang chu Pathien i nih.

FESUOKNA 3:14

Pathien chun Mosie kuomah, “UMA kha KA NIH” a tih a. Chun, ama bawkin, “Israel thlahai kuoma chun, UMA khan in kuomah a mi tir a nih, tîng i tih,” a ta.

FESUOKNA 33:20

Nisienlakhawm, Ka hmêl chu hmu thei naw ti nih, tukhawm ka hmêl hmu chu an hring ding a ni si nawh a,” a tih a.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

HABAKKUK 3:4

A êngna chu var ang a na; A kuta inthawk chun varkêhai a hung suok a, A thilthawtheina inbîkna chu a um a nih.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 6:46

Tukhawmin Pa an hmu hlak ka ti nawh, Pathien kuoma inthawka hung suok chau naw hin chu; ama chun Pa chu a hmuh.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

EPHESI 3:21

chatuonin, suon po po chenin kohrana le Krista Isua chun ropuina um raw se. Amen.

DÂN PAHNINA 32:40

Vân tieng ka kut ka phar a, Ka hringna sâlin ka hril a,

PHILIPPI 4:20

Ei Pathien le ei Pa kuoma chun kumkhuoin ropuina chu um raw se. Amen.

KOLOSSA 1:15

Ama chu hmu thei naw Pathien angpui, nau lutîr, thilsiemhai po po nêka chunghnung lem a nih.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

HEBRAIHAI 13:8

Isu Krista chu zâni leh, vawisûn leh kumkhuo khawmin a pângngaiin um rawp a tih.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun dang- lamna le inherna hlim hrim hrim a um thei nawh.

1 JOHAN 1:5

Chun, thuincha a kuoma in- thawka kan hriet a, in kuoma kan hril sâwng ding cheu chu hi hi a nih:— Pathien chu var a nih, amaa chun inthim hrim a um nawh.

1 JOHAN 1:7

Amiruokchu, ama chu vara a um angin eini khawm vara um ei ni chun, ei inpâwl tlâng a nih, chun, a Naupa Isu thisenin ei suol po po a mi sâwpfai pêk hlak a nih.

1 JOHAN 4:12

Tûkhawmin ienglai khawmin Pathien an hmu ngai nawh. Ei inhmangai tuo chun Pathien einiah um zing a ta, a hmangaina khawm einiah famkim bawk a tih.

JUDA 1:25

ei Sandamtu Pathien tak chau kuoma chun, ei Lalpa Isu Krista leiin, hun hrim um hma le, tuta le chatuon chenin, chawimawina dâm, ropuina dâm, rorêlna dâm, thuneina dâm um raw se. Amen.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;

THUPUONGSUO 22:5

Chun, zân um nâwk ta naw nih a; khâwnvar le nisa var ngai naw ni hai a; Lalpa Pathien chun anni a ên ding a ni sih a; chuongchun, chatuonin ro rêl an tih.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk sih a,” tiin.

THUPUONGSUO 7:12

“Amen, malsâwmna dâm, ropuina dâm, varna dâm, Lâwmthu hrilna dâm, chawimawina dâm, Thilthawtheina dâm, hrâtna dâm, Chatuonin ei Pathien kuomah um raw se, Amen” tiin Pathien chibai an bûk a.