1 TIMOTHE 6:1 - Pathien Lekhabu Inthieng (BSI)

¹ Pathien hming le a închûktirna thu hrilsieta a um nâwna dingin, suok rîngkawl bât taphawthai chun anni puhai iengkimah chawimawi tlâkah ngai raw hai se.

1 TIMOTHE 6:1 ပူးပေါင်းရင်းမြစ်များ

INṬANNA 16:9

LALPA vântirko chun a kuomah, “I pi kuomah kîr nâwk la, a thu thuin um rawh,” a ta.

INṬANNA 24:12

Chun, “Aw LALPA, ka pu Abraham Pathien, lunginsiettakin vawisûn hin mîn hlawtlingtir la, ka pu Abraham chunga chun lungin- sietna inlangtir rawh.

INṬANNA 24:2

Chun, Abraham chun a siehlaw, a in sûnga upa tak, a nei po po chunga thuneitu kuoma chun, “Lunginsiettakin i kut kha ka elpui hnuoiah rawl rawh;

INṬANNA 24:27

Chun, “Ka pu chunga a lunginsietna le a takna bo ngailo LALPA, ka pu Abraham Pathien chu inpâkin um raw se; kei khawm hi Lalpa chun ka pu unauhai in tieng a mi ṭhuoi a lo ni hi,” a tih a.

2 SAMUEL 12:14

Amiruokchu, hi i thilthaw hin Pathien hrilsietna remchângtak LALPA hmêlmahai ta dinga i siem leiin naupang nangmaa inthawka pieng chu thi ngei a tih,” a ta.

2 LALHAI 5:13

Chun, a siehlawhai chu an hung hnai a, a kuomah, “Pa, zâwlnei chun thil khirkhântak thaw dingin tir sienla che, i thaw naw ding am a nih? ‘Insil la, lo inthieng ta rawh,’ a ti kha ti âwmtak hrim a ni naw am a nih?” an ta.

NEHEMIA 9:5

Chuongchun, Levi mi, Jesua, Kadmiel, Bani, Hasabneia, Serebia, Hodia, Sebania le Pethahia hai chun an hril a, “Ngîr unla, LALPA in Pathien chu chatuona inthawka cha- tuon chenin inpâk ro khai; chun, chawimawina le inpâkna po po khawmin a phâk lo, i hming ropui chu inpâkin um raw se.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 52:5

Chuongchun, hitaka hin tuhin ieng am a na ka thaw ding? Ka mihai hi iengkhawm ni loa ṭhuoi hmangin an um sih a, LALPAIN a tih a, an chunga rorêltuhai chu an khêk tuor tuor a, LALPAIN a tih, ka hming hi sûnnithlâk thlâka hrilsietin a um hlak.

ISAI 58:6

“Hi hi ni lo am a ni bungheina ka idit zâwng chu? Rîtlonaa khuop sût- pêk le, rîngkawl hruihai sûtpêk le, nêksâwra umhai insuoktir le, rîng- kawl tinrêng suktliekpêk hi.

EZEKIEL 36:20

Chun, hnamhai laia an hung chun, an fena tieng tieng ka hming inthieng chu an sukpawrcheh a; chu- taka chun mihai chun, ‘Hienghai hi LALPA mihai chu an na, a rama inthawka suokhai chu an nih,’ an tih a.

EZEKIEL 36:23

Chun, ka hming ropuitak chu, hnamhai laia sukpawrchea lo um tah, anni laia in lo sukpawrche ta chu sukthieng ka ta; chuongchun, hnam- hai chun LALPA chu ka nih, ti mi hre tâng an tih, Lalpa PATHIEN chun a tih; an mithmua nangnia sukthienga ka um pha chun.

MALAKI 1:6

Sipaihai LALPA chun in kuomah a hril a, “Aw thiempu, ka hming hmusittuhai, naupa chun a pa ân zah a, siehlaw chun a hotu: chuonga pa ka ni chun, khâw lai am inza ka nina? Hotu ka ni chun, khâwlai am ṭi ka nina? Nangni chun, ‘Khâwlai am i hming chu kan hmusit a?’ in tih a.

MATTHAI 11:30

Ka rîngkawl chu ân hâwi a, ka phur khawm a zâng a nih,” a ta.

MATTHAI 11:9

Annawleh, ieng lei takin am in fe suok kha? Zâwlnei en dingin maw? A ni ngei kha, ka ti cheu hi, zâwlnei nêk khawma ropui lem,

LUKA 17:1

Chun, Isûn a închûktirhai kuomah, “Tlûknahai um naw thei a ni nawh; nisienlakhawm, tlûkna inumtirtu chung chu a rik!

THILTHAWHAI 10:22

Anni chun, “Vântirko inthieng pakhatin, Korneli, sipai za hotu mi feltak, Pathien ṭi Juda hnam po pohai khawma an ingaisâng kuoma chun, i thu hril a hrietna dingin, a inah nang ko ding chein a hril a nih,” an ta.

THILTHAWHAI 10:7

Chun, vântirko a betu chu a fe phingleh, Korneli chun, a siehlawhai laia mi pahni le a rawngbâwl rawphai laia Pathien ngaisak sipai pakhat a ko a;

THILTHAWHAI 15:10

Chuongchun, ei thlatuhai le eini izo ta naw, rîngkawl kha inchûktirhai chungah tuhin innghat tumin ieng- dinga Pathien var in sêlkal am a na?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:24

An ziek ang ngei khan, Pathien hming chu nangni leiin Jentailhai laiah sukpâwiin a um ta a ni hi.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

GALATI 5:1

Suok ni lo dingin Krista chun a mîn suoktir kha; chuongchun, ngir det unla, suok ringkawla chun intâng nâwk ta naw ro.

DÂN PAHNINA 28:48

nangni thaw dinga LALPAIN a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil ieng- kim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

1 TIMOTHE 5:14

Chuongchun, hmeithai la nu- nghâk deuhai chu pasal nei hai sienla, nauhai nei sienla, insûng khawsak rel hai sienla, sawisêlna ding remchâng hrim hmêlma chu inhmutir naw hai sienla ka nuom a nih.

TITA 2:5

lungril feltaka um ding dâm, inthiengtaka um ding dâm, mâni in sin thaw ding dâm, ngilneia um ding dâm le, mâni pasalhai thu thua um dinga an thunun theina dingin infui rawh; Pathien thu chu hrilsieta a um nawna dingin.

1 PETER 2:12

Jentailhai lai in chângzie chu mawitak ni raw se; chuongchun, thil suksuoltuhai anga an hrilsiet cheu kawngah in thil thaw ṭhat an hmuhai leiin a hung kan nia chun Pathien chawimawi thei an tih.

1 PETER 3:16

Nisienlakhawm, thuhnuoirawl- tak le ṭi dêk pumin, sie le ṭha hrietna inthiengtak nei unla, chuongchun, an hrilsietna cheu kawnga chun, Kristaa in um dân ṭhatak hrilsetuhai chu sukmuolphoin um thei an tih.