1 TIMOTHE 3:16 - Pathien Lekhabu Inthieng (BSI)

¹⁶ Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 3:16 ပူးပေါင်းရင်းမြစ်များ

ISAI 7:14

Chuleiin, LALPA ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Im- manuel sak a tih.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

MATTHAI 28:2

Chun, ngai ta, simkhawleihnuoi nasatakin a hung inhnîng a, Lalpa vântirko vâna inthawkin a hung ṭum a, lung chu a hung inhlum a, a chungah a ṭhung tah a.

MATTHAI 3:16

Chun, Isu baptisma a chang phingleh, tuia inthawk chun a suok nghâl tah a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmuh a.

MATTHAI 4:11

Chu hnunga chun diebol chun a zâmsan tah a. Chun, ngai ta, vântir- kohaiin a rawng an bâwlpêk tah a.

MARKA 1:13

Chuongchun, Setan ithlêmin ni sâwmli zet thlalêra chun a um a, ramsahai lai a um a, vântirkohai chun a rawng an bâwlpêk a.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um tah a, Pathien changtieng a hang ṭhung tah a.

MARKA 16:5

Chun, thlân sûngah an lût a, tlangvâl pakhat puon vâr silin changtieng panga ṭhung an hmuh a; an lunginzîng tah a.

LUKA 2:32

Jentailhai kuoma suklangna var le I mi Israelhai ropuina ding chu,” a ta.

LUKA 20:44

Chuongchun, David chun ama chu, ‘Lalpa,’ a ti sih a, iengtin am, a naupa a ni thei leh?” a ta.

LUKA 22:43

[Chun, vâna inthawkin vântir- ko pakhat a sukhar dingin a hung inlâr a.

LUKA 24:4

Chun, chuong leia an lunginzîng lai chun, ngai ta, mi pahni puon mi elkhal thei silin an kâwlah an hung ngîr a;

LUKA 24:51

Chun, mal a sâwmpêk lai takin anni chu a mâksan a, [vâna zuk ṭhuoiin a um tah a.]

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 13:3

Isûn Pain a kuta thil iengkim ân kawltir dâm, Pathien kuoma in- thawka hung suok a ni dâm, Pathien kuoma a fe ding dâm hre zingin,

JOHAN 15:26

“Chun, ka Pa kuoma inthawka Thlamuongtu in kuoma ka hung tir ding, Paa suok Thlarau indiktak chu, a hung tlung pha, ama chun ka thu inhriettir a tih;

JOHAN 16:28

Kei Pa kuoma inthawka hung suok a, khawvêla hung ka nih; khawvêl fe san a, Pa kuoma fe nâwk ding ka nih,” a ta.

JOHAN 17:5

Aw Pa, khawvêl um hmaa i kuoma mawina ka inei khan, tuhin nangma kuoma ngei mi chawimawi rawh.

JOHAN 20:12

chun, vântirko pahni puon vâr silin, Isu ruong inzâlna hmuna chun, pakhat a lu tieng, pakhat a ke tienga ṭhung a hmuh a.

JOHAN 6:62

Mihriem Naupa hi inhmaa a umna ngaia hang lâwna in hmu chun ieng am lâwng in ta?

THILTHAWHAI 1:19

Chun, chuong thu chu Jerusalema umhai po poin an lo hriet a; chuongchun, chu hmun chu anni ṭawngin, ‘Akeldama,’ an tih a, chu chu, ‘Thisen hmun,’ tina a nih.)

THILTHAWHAI 10:34

Peter chun a hril a;— “Pathienin mi ditsak bîk a nei nawh ti indiktakin ka hriet;

THILTHAWHAI 14:27

Chun, an tlung hnungin ko- hranhai chu an ko khâwm a, Pathienin anni hmanga, thil a thawhai po po le, Jentailhai ta dinga ringna kawtkhâr a hawngpêkziehai chu an hril a.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:12

Juda le Grik mihai chu ienga khawm an danglam chuong si nawh a. Lalpa pakhat an rênga chunga Lalpa a nih; ama lamtuhai po chunga chun ṭhatna a hau sih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hreh e le! “An ri chu ram tinah ân thang a, An thu chu kâwlkawdawng chenin ân thang suok tah.”

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:25

Tuhin ama chun, ka Chanchin Ṭha hril le, Krista thuhril le, kumkhuoa thurûk inthup suklanga um anga chun nangni a sukhrât thei cheu a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:4

Teu lo e! Pathien chu mi indiktak lo ni raw se, mi tin chu mi khêlhlip lo nihai sien khawm: “Nangin i thu hrilin thiem în changtir thei a, rorêlpêka i um khawma i hne theina dingin,” ti ziek ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât nawh a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, tisa tieng thuah Krista chu anni laia inthawka hung suok a ni sih a; ama chu thil tinrêng chunga um a na, chatuona inpâk tlâk Pathien a nih. Amen.

1 KORINTH 15:47

Mihriem hmasatak chu hnuoia mi pila siem a nih; mihriem pahnina chu vâna mi a nih.

1 KORINTH 2:7

Pathien thu var thurûk chu kan hril lem hlak a nih, thu var inthup, ei ropuina dinga Pathienin khawvêl um hmaa a ruot lâwk ta chu.

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si nawh a; amaa chun, “A nih,” ti a um lem a nih.

GALATI 2:8

(Sertanhai tirko ni dinga Peter ta dinga thaw pêktu ngei chun, Jentailhai tirko ni dingin ka ta ding khawma a mi thaw pêk sih a.)

GALATI 4:4

Nisienlakhawm, a hunbi a hung kim khan, Pathienin a Naupa, nuh- mei inei, Dân hnuoia hung piengin, a tir suok tah a,

EPHESI 1:9

a ditzâwng thurûk, a lungni- zâwngtaka amaa thaw a itum chu eini kuomah mîn hriettirin,

EPHESI 6:19

Chanchin Ṭha thurûk huoitaka puong dinga ka bau ka ka a, thu inhriltira ka um theina dingin ka ta ding khawmin mi hnipêk ro:

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlângin- sampui a ni kha; kei Paula hi, chu rawngbâwltua siem chu ka nih.

KOLOSSA 1:27

Chuonghai kuoma chun Jentail- hai lai chu thurûk ropuina hauzie chu Pathienin inhriettir a nuom hrim a nih: chu thurûk chu Krista nangnia um ropuina beisei san chu a nih.

KOLOSSA 1:6

Chu Chanchin Ṭha chu, khawvêl pumpuiah malsâwmna hung intlunin a pung pei a; chuong ang takin in kuoma khawm a hung tlung a; titakzeta Pathien lunginsietna chu ngaia in hriet ni chena inthawk khan chu nangnia khawm rain a pung pei a ni kha.

KOLOSSA 2:2

Chuongchun, hrieta ring tlatna lukhâwng po po chu dawng dinga hmangainaa insuikhawmin an lungrilhai chu thlamuonga a um thei a, Pathien thurûk Krista ngei chu an hriet theina dingin;

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi sih a) makti dinga a hung nia chun.

2 THESSALONIKA 2:7

Dân bawsietna thurûk chun tu khawm hin sin a thaw zing a ni sih a; nisienlakhawm, a khaptu chun lâk hmanga a um hma poin khap a ta.

1 TIMOTHE 3:9

sie le ṭha hrietna inthienga ring- na thurûk chu pawm mi an ni lem ding a nih.

HEBRAIHAI 1:3

Ama chu a Pathien ropuina var le, a tak angpui ngei leh, ama thil- thawtheina thuah iengkim tungding- tu niin, suolhai a sukthieng hnungin chung tienga Ropuitak changtienga khin a hang ṭhung a.

HEBRAIHAI 12:2

Isu ei ringna siemtu le suk- famkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung tah a.

HEBRAIHAI 7:7

Nisienlakhawm, sêl ruol loin a chîn lem chu a lien lem malsâwm pêkin a um hlak.

HEBRAIHAI 8:1

Chuongchun, ei thu hrilhai laia a pawimaw tak chu hi hi a nih: Chuong ang, thiempu Laltak, vânahai khin Ropuitak lalṭhungpha chang tienga hang ṭhung chu ei nei a nih;

1 PETER 1:12

Chuong thu chun mani rawng inbâwl loin, nangni rawng an bâwl lem ti an kuomah inhriettir a ni tah. Chuong thu chu vâna inthawka tirsuok Thlarau Inthieng ṭhangpuiin, Chanchin Ṭha hriltu cheu khan tuhin an hril cheu a, chuong thil chu vântirkohaiin bi an nuom hlak a nih.

1 PETER 1:20

Ama chu leilung insieng hmain ruot lâwkin a um ngei el, nisien- lakhawm, hun nuhnunga hin nangni leiin suklangin a um;

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beisei- na chu Pathiena a um theina dingin.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 PETER 3:22

Isu Krista chu vâna fein, Pathien chang tieng a um a, vântir- kohai dâm, thuneina dâm, thilthaw- theina dâm, ama thu thua inumtirin a um.

1 JOHAN 1:2

(chu hringna chu a hung inlang tah a, kan lo hmuh a, kan inhriettir bawk a, chu chatuon hringna, Pa kuoma um, kan kuoma hung inlang chu, kan hril cheu a ni hi);

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

THUPUONGSUO 17:5

A bâwka chun thurûk, “BABU- LON KHAW ROPUI, HNUOIA NAW- CHIZAWRHAI LE THIL TIRDAK- UMHAI NU,” tia hming ziek a um a.

THUPUONGSUO 17:7

Chuongchun, vântirko chun ka kuomah, “Ieng leiin am mak i tih a? Nuhmei le a phurtu sahrâng lu sari le ki sâwm nei thurûk hril ka ti che.

THUPUONGSUO 7:9

Chu hnunga chun ka hang en a, chun, ngai ta, mipui nasatak tû- khawm itiem sêng naw, hnam tin laia mi dâm, chi tin laia mi dâm, mi tin laia mi dâm, ṭawng tin laia mi dâm puon vâr sila, tûm kâu chawiin, lalṭhungpha hma le Berâmte hmaa ngîr ka hmuh a;