1 TIMOTHE 1:7 - Pathien Lekhabu Inthieng (BSI)

⁷ An thu hril umzie le ngamtaka an thu hril chanchin chu hre si loin, Dân inchûktirtuhai ni an nuom hlak a nih.

1 TIMOTHE 1:7 ပူးပေါင်းရင်းမြစ်များ

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

MATTHAI 21:27

Chuongchun, Isu an dawn a, “Kan hriet nawh,” an ta. Ama khawm chun an kuomah, “Kei khawmin tu thuin am hieng thil hi ka thawh a hril bîk naw ning cheu.

LUKA 2:46

Chun, ni thum chena chun, Pathien biekinah, inchûktirtuhai laia ṭhungin, an thu lo ngai a, lo indawnin an hmu tah a.

THILTHAWHAI 15:1

Chun, mi tuhai amanih Judai rama inthawkin an hung thlah a, “Mosie dân anga ser in intantir naw chun sandam ni thei naw ti niu,” tiin unauhai chu an inchûktir a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:22

Vara inngaiin invêt an lo ni tah a,

GALATI 3:2

Hi chau hi in kuoma inthawkin lo hriet ka nuom: Dân thilthawhai leiin am Thlarau chu in hmuh a, in ngaithlâka in ring leiin? Hieng lâwm hin in invêt a ni maw?

GALATI 3:5

Chun, in kuoma Thlarau petu cheu le nangni laia thilmak thawtu chun Dân thilthawhai leiin am a thawh a, in ngaithlâka in ring leiin?

GALATI 4:21

Dân hnuoia um nuomhai, mi hril ta u, Dân thu chu in ngai hlak naw am a nih?

1 TIMOTHE 6:4

ama chu a chapo a, iengkhawm a hriet nawh a, hriet nêk hmanin insêl le thu kal kawnga chun ân vêt ta lem a nih. Chuonga inthawk chun, inhnarna dâm, insuolna dâm, hril- sietna dâm, a ṭha naw tieng ringna dâm a hung suok a,

2 TIMOTHE 3:7

chuong ang nuhmeihai chu châk- na tinrênga ṭhuoi hmang, inchûk rawp sia thutak hre phâk ngai naw an nih.

JAKOB 3:1

Ka unauhai, nangni laia mi tamtak hi inchûktirtuahai hung um naw ro, inchûktirtu chun rorêlna nasa lem kan tuok ding a nih ti kan hriet sih a.

2 PETER 2:12

Nisienlakhawm, hieng thil- hring, ngaituona nei naw, mana sukbohmang dinga sa chaua pienghai ang hin, thil an hriet nawhai chu hrilsein; anni sietnain se ngei an tih.