1 TIMOTHE 1:4 - Pathien Lekhabu Inthieng (BSI)

⁴ tienami mei mei le sui sêng lo thlatuhai thu (ringnaa Pathien khawsakzie um hi sukṭhat nêka insêlna siem lem hlaktu chu) ngaisak lo dinga kâwk dingin tu khawm hin ka la ngên rawp che a nih.

1 TIMOTHE 1:4 ပူးပေါင်းရင်းမြစ်များ

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni loin, Pathien lungin- sietna lemin, khawvêla hin kan châng kha, nangni tiengah kan châng ṭha nâwk zuol a.

EPHESI 3:2

Nangni tienga Pathien lungin- sietna enkawlna sin a mi pêk kha lo hre ta ngei in ta;

1 TIMOTHE 3:16

Chun, Pathien ngaisakna thu- rûk chu sêl ruol loin a ropui a nih: “Ama, tisaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

1 TIMOTHE 4:7

Amiruokchu, Pathien inza nâw- na le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, daw- theina dâm, thuhnuoirawlna dâm hnawt pei rawh.

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnem- ngaitakin inhriettir rawh, chu chu iengkhawm a ṭhahnem nawh a, a ngaituhai ta dingin bohmangna a ni lem hlak.

2 TIMOTHE 2:22

Nisienlakhawm, tleirâwl châk- nahai chu tlânsan la, lungril in- thienga Lalpa lam taphawthai kuom- a chun felna dâm, ringna dâm, hmangaina dâm, inremna dâm hnawt ve rawh.

2 TIMOTHE 2:23

Amiruokchu, indona a siem hlak ti hrein, insêlna invêt le, var nawahai chun ṭhang nuom naw.

2 TIMOTHE 4:4

An na chu thutak tieng chun suksêt an ta, tienami thu tieng pêt tâng an tih.

TITA 1:1

Paula Pathien suok, Pathien ithlanghai ringna kawnga le, Pathien ngaisak tieng thutak hrietna kawnga Isu Krista tirko bawk chun:

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

TITA 3:9

Nisienlakhawm, indawnna invêt dâm, thlatuhai thu suina dâm, insêlna dâm, Dân thua insuolna dâm chu nghatsan pei rawh; chuong chu thil ṭangkai naw, iengkhawm ni lo a ni sih a.

HEBRAIHAI 13:9

Inchûktirna tinrêng le inchûk- tirna maktak lên hmangin um naw ro; lungril hi lunginsietnaa sukdet chu a ṭha sih a, fâk dinghaia sukdeta um loin, chuong ang kawng lungkhamhai chun chuonga chun ṭhathnemna an hmu chuong nawh.

2 PETER 1:16

Ei Lalpa Isu Krista thil- thawthei zie le a hung nâwkna thu chu kan inhriettir lai cheu khan, tienami vartaka ngaituo suok elhai zâwm kan ni nawh a, a ropuina hmutuhai kan ni lem in sâwnnaw.