1 TIMOTHE 1:15 - Pathien Lekhabu Inthieng (BSI)

¹⁵ “Krista Isu mi suolhai sandam dingin khawvêla hin a hung,” ti hi ring a umin, pawm tlâk tak a nih; anni laia mi suol tak ka ni hi.

1 TIMOTHE 1:15 ပူးပေါင်းရင်းမြစ်များ

JOB LEKHABU (THE BOOK OF JOB) 42:6

Chuleiin, kei le kei kân theidah a, kân sîr a nih, Vuthai lai le pilvut laia ṭhungin,” tiin.

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa PATHIEN chun a tih,” tiin.

MATTHAI 1:21

Naupasal nei a ta, a hming chu Isu sak i tih; ama chun a mihai an thil suksuolnaa inthawkin a sandam ding a ni sih a”, a ta.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 18:11

[Bohmanghai sandam dingin Mihriem Naupa hi a hung a nih.]

MATTHAI 20:28

Mihriem Naupa hi rawng- bâwlpêka um dinga hung a ni nawh a, rawngbâwl ding le mi tamtak intlan- na dinga, a hringna pe lem dinga a hung ang hin,” a ta.

MATTHAI 9:13

Chuongchun, ‘Inthâwina dit loin lunginsietna ka dit ie,’ ti hi, fe unla, a umzie vân chûk ro; mi fel takhai indawn dinga hung ka ni nawh a, mi suolhai lem indawn dinga hung ka nih in sawnnaw,” a ta.

MARKA 2:17

Chun, Isûn chu chu a lo hriet a, “Mi hrâthai chun dâktawr an ngai nawh a, mi hrivawisiehai lemin an ngai a nih; mi feltakhai indawn dinga hung ka ni nawh a, mi suolhai lem indawn dinga hung ka nih,” a ta.

LUKA 15:2

Chun, Pharisaihai le Dân inchûktirtuhai chun, “Hi mipa hin mi suolhai a pâwl a, an kuoma hai bu a fâk ve hlak,” tiin an chier ve veh a.

LUKA 19:10

Bohmanghai zawnga sandam dingin Mihriem Naupa hi a hung a ni hrim a nih,” a ta.

LUKA 5:32

Mi feltakhai lam dinga hung ka ni nawh a, mi suolhai lama insimtir dinga hung ka ni lem,” a ta, a dawn a.

JOHAN 1:12

Nisienlakhawm, ama lâwm taphawt chu, an kuomah Pathien nauhai ni theina ding a pêk, a hming ringtuhai chu.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 12:47

Tûkhawm ka thu hril hrein awi naw sienla khawm, keiin thiemnaw kân chang tir nawh; khawvêl thiemnaw inchangtir dinga hung ka ni nawh a; khawvêl sanhim dinga hung ka ni lem.

JOHAN 3:36

Tûkhawm Nau ring taphawt chun chatuona hringna an nei tah, nisienlakhawm, tûkhawm Nau thu awi naw taphawt chun hringna nei naw hi hai, Pathien lunginsenna an chungah a um zing lem a nih,” a ta.

THILTHAWHAI 11:1

Chun, Juda rama tirko le unau umhai chun Jentailhai khawmin Pathien thu an zâwm ti an hriet tah a.

THILTHAWHAI 11:18

Chuong thu chu an hrietin an to tah a, “Chuong a ni chun, Pathienin Jentailhai khawm hring dingin sim a phal tah a ni chu,” tiin Pathien an inpâk tah a.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:14

ka chipuihai kân thîktir hrâm theina ding le, anni laia mi ṭhenkhat ka sandam theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:6

Ei la hrât naw lai khan a hun takah Krista chu mi suolhai ai chun a lo thi ta sih a.

1 KORINTH 15:9

Kei chu tirko laia chîntak, Pathien kohranhai ka suknawmna leia tirkoa inbûk tlâklo ka ni sih a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chan- chin chu Jentailhai kuoma hril ding le,

1 TIMOTHE 1:13

Inhma chun hrilsetu le suknawm- natu le sawisatu ni lang khawm, awi naw puma hre loa thaw ka ni leiin zângaina chu ka hmu a nih;

1 TIMOTHE 1:19

ringna le sie le ṭha hrietna inthiengtak pawm tlatin. Mi ṭhen- khathaiin chuong chu pei thlain, ringna kawnga chun lawngkawi angin an kawi se tah a.

1 TIMOTHE 3:1

“Tûkhawm Kohran hotua ṭhang a nuom chun, sinthaw ṭha a nuom a nih,” ti hi ân dik a nih.

1 TIMOTHE 4:9

Hi thu hi ring a umin pawm tlâk bêk bêk a nih.

1 TIMOTHE 6:13

Pathien thil tinrêng sukhringtu le, Krista Isu, Pontia Pilat hmaa ṭanna ṭha ṭantu mithmua chun, thu ka pêk che;

2 TIMOTHE 2:11

Hi thu hi ring a um a nih; “Ama leh ei thi ta si chun, Ama leh hring bawk ei tih;

TITA 3:8

“Pathien ring tahai chun thil ṭha thaw pei dingin ngaituo raw se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mi- hriemhai ta dingin a ṭhain a ṭhahnem a nih.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si nawh a.

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol sih a, Pathien Naupa hung inlang san tak chu Diebol sin- thawhai a sukbohmang theina dingin a nih.

1 JOHAN 5:11

Inhriettirna chu hi hi a nih, Pathienin chatuona hringna a mi pêk a, chu hringna chu a Naupaah a um a nih.

THUPUONGSUO 21:5

Chun, lalṭhungphaa ṭhung chun, “Ngai ta, thil iengkim ka siem thar ie,” a ta. Chun, “Ziek rawh, hieng thu hi ring a umin â n dik sih a,” a ti bawk a.

THUPUONGSUO 22:6

Chun, ama chun ka kuomah, “Hieng thu hi ring a umin ân dik a nih; chuongchun, Lalpa zâwlneihai thlarau Pathien chun, thil hung tlung vak dinghai chu a suokhai kuoma inentir dingin, a vântirko a tir a nih.

THUPUONGSUO 5:9

Chun, hla thar an sak a, “Nang lekhabu chu laa, A închiknahai sût tlâk i nih; Thatin i um tah a, Chi tina mi dâm, ṭawng tina mi dâm, Mi tina mi dâm, hnam tina mi dâm, Pathien ta dingin i thisenin închâwk a,