1 SAMUEL 8:8 - Pathien Lekhabu Inthieng (BSI)

⁸ Aigupta rama inthawka ka ṭhuoi suok nia tuta chena an thil thaw dân po po, an mi nghatsan a, pathien danghai rawng dâm an mi bâwlsan hlak ang bawk hin i chungah an thaw a ni hi.

1 SAMUEL 8:8 ပူးပေါင်းရင်းမြစ်များ

INPÂKNA HLABU 78:8

Le, an thlatuhai anga, Suon kâwmaw le hel hmang, Suon lungril siem diklo, Pathien kuoma lungril ringum naw puta an um nawna dingin.

FESUOKNA 16:3

Israel thlahai chun an kuomah, “Aigupta rama sa bêlhai leh kan ṭhung a, bei kan dittâwka fa zing khan LALPA kuta chun thi el inlang ni ding bah: hieng mipui po po hi phîngṭâma thi ding elin thlalêrah in mi ṭhuoi lût a ni ta hi,” an tih a.

FESUOKNA 17:2

Chuleiin, mipui chun Mosie an insêlpui a, “Tui dâwn ding mi pe rawh,” an tih a. Mosie chun an kuomah, “Iengdinga kei in min sêlpui am a na? Iengdinga LALPA chu in fie am a na?” a tih a.

FESUOKNA 32:1

Mipui chun Mosie chu tlânga inthawk chun a hung thla intak hle ti an hmu chun anni mipui chu Aron kuomah an hung inkhâwm a, a kuomah, “Tho la, kan hma ṭhuoitu dingin pathienhai mi siem- pêk rawh: hi Mosie Aigupta rama inthawka mi ṭhuoi suoktu hlak hi ieng am a chang a ni tah kan hriet si nawh a,” an tih a.

JEREMIA 34:14

‘Mi tinin a unaupa Hebrai mi nia, ama kuoma zawra lo um amanih, ama chu kum ruk sûng rawng lo bâwlpêk ta chu, kum sari tâwpa chun infetir in ta, nangmaa inthawk chun a thlâwnin în fetir ding a nih,’ tiin, nisienlakhawm, in thlatuhai chun an mi ngai nawh a, an na khawm an sit nawh.

EZEKIEL 2:3

Ka kuoma chun, “Mihriem naupa, Israel thlahai, hnam helhai, keima chunga helhai kuoma chun tir ka ti che; vawisûn ni chen hin, anni le an thlatuhai khawmin ka chungah an bawsiet a nih.

NAMBAR 16:41

Nisienlakhawm, a zînga chun, “LALPA mihai in sukhlum a nih,” tiin Israel thla pungkhâwm po po chu Mosie le Aron chunga chun an chier a.

DÂN PAHNINA 9:24

Ka hriet tîr cheua inthawk tah LALPA chunga hel hmang mi in ni hrim a.

RORELTUHAI 13:1

Israel thlahai chun LALPA mithmua thil suol an thaw nâwk tah a, chuongchun, LALPAIN anni chu Philistin mihai kutah kum sâwmli ân umtir a.

RORELTUHAI 2:20

Chun, LALPA chu Israelhai chunga chun a lunginsen tah a; chuongchun, “Hi hnamhai hin an thlatuhai thu ka ipêk, ka thuthlung chu an bawsiet a, ka râwl khawm an ngai ta si nawh a;

RORELTUHAI 4:1

Ehud thi hnung chun Israel thlahai chun LALPA mithmuhah thil suol an lo thaw nâwk tah a.

RORELTUHAI 6:1

Israel thlahai chun LALPA mit- hmuah thil suol an thawh a; chuleiin, LALPAIN Midianhai kutah kum sari ân umtir a.

1 SAMUEL 8:7

LALPA chun Samuel kuoma chun, “Mipuihaiin i kuoma an hril po po chu ngai rawh, nang dit naw che an ni nawh a; an chunga lal dinga kei mi dit lo an ni lem.

1 SAMUEL 8:9

Chuleiin, an thu ngai rawh, amiruokchu, ursûntaka tiemkamin an chunga rorêltu lal châng dân ding chu khîkhmu chie rawh,” a ta.