1 SAMUEL 6:6 - Pathien Lekhabu Inthieng (BSI)

⁶ Aigupta mihai le Pharaoin lung- ril an sukngar ang khan iengdinga in lungril in sukngar am a na? Anni laia thil maktaka a thaw khan anni kha ân fetir a, an suok a nih naw am a nih?

1 SAMUEL 6:6 ပူးပေါင်းရင်းမြစ်များ

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 95:8

Meribaa an thaw ang khan in lungril sukngar naw ro, Thlalêra Massa ni ang khan;

FESUOKNA 10:3

Chun, Mosie le Aron chu Pharao kuomah an va lût a, a kuomah, “Hebraihai Pathien LALPA chun hieng hin a tih: ‘Ka hmaa insiehnuoi ieng chen am i nuom naw ding a nih a? Ka rawng an bâwl theina dingin ka mihai chu infetir rawh.

FESUOKNA 14:17

Chun, keiin Aigupta mihai lungril sukngar ka ta, an hnungah hung lût vêng an tih; chun, Pharao le a sipai ruol po po, a sakawr tawlailîr po po le, a sakawr chung chuong mihai chungah ropuina chang ka tih.

FESUOKNA 14:23

Aigupta mihai chun an hnawt pei a, Pharao sakawrhai, a sakawr tawlailîrhai le, a sakawr chung chuong mihai po po chu an hnunga chun tuipui inkâra chun an lût veh a.

FESUOKNA 4:21

LALPA chun Mosie kuomah, “Aiguptaa i kîr nâwk pha, i kuta thilmak ka sie po pohai kha Pharao hmaah thaw ngei i ta; nisien- lakhawm, mihai chu ân fetir nawna dingin a lungril chu ka sukngar ding a nih.

FESUOKNA 7:13

Pharao lungril chu sukngarin a um a, LALPAIN a hril ang khan an thu chu a ngai nawh a.

FESUOKNA 7:14

Chun, LALPA chun Mosie kuomah, “Pharao lungril chu sukngar a nih a, mipuihai chu ân fetir phal nawh.

FESUOKNA 8:15

Nisienlakhawm, Pharao chun chuong chu a bo tah ti a hriet chun, a lungril a sukngar a; LALPAIN a lo hril ta ang ngei khan an thu chu a ngai nawh a.

FESUOKNA 8:32

Hi ṭum khawm hin Pharao chun a lungril a sukngar a, mipui chu ân fetir chuong naw nâwk a.

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

FESUOKNA 9:34

Pharao chun ruo le riel le vâninrûmhai chu a ma tah ti a hmu chun, a la suksuol ta rawp a, ama le a siehlawhai khawm chun an lungril chu an la sukngar ta rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.