1 SAMUEL 6:4 - Pathien Lekhabu Inthieng (BSI)

⁴ Chun, anni chun, “A kuoma kan bawsietna inthâwina inhlân ding chu ieng am nîng a ta?” an ta. Anni chun, “Philistin lalhai zâtin rângkachak ngâwt lim panga le rângkachak chaichene lim panga, in rênga chunga hri inlêng le in lalhai chunga inlêng chu hmunkhat a ni sih a.

1 SAMUEL 6:4 ပူးပေါင်းရင်းမြစ်များ

FESUOKNA 12:35

Israel thlahai chun Mosie thu ang pei chun an thawh a; Aigupta mihai chu silfên le, rângkachak le tangkaraw incheinahai an hni tâwl a;

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,

RORELTUHAI 14:19

Chun, LALPA thlarau chu a chungah nasatakin a hung tlung a, chun Askelonah a zu feh a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk tah a. Lungsen êm êmin a pa in tieng a kîr nâwk tah a.

RORELTUHAI 3:3

Chuong hnamhai chu: Philistin- hai lal panga, Kanaan mi po po, Zidon mihai, Baal-hermon tlânga inthawka Hamath khuo lûtna chena Lebanon tlânga Hiv mihai an nih.

1 SAMUEL 5:12

A thi nawhai khawm chu ngâwtin an na tâwl a; chuongchun, chu khaw khêkri chun vân khi a hang tlung a.

1 SAMUEL 5:6

LALPA kut chun Asdod khuoa mihai chu a del ta hle el a, sietna ân tlungtirpêk tâwl tah a, Asdod khuo le a vêl khuohai chu ngâwtin a hrem ta bawk a.

1 SAMUEL 5:9

Chun, chuonga an fetlungpui chun, LALPA kut chun khuo chu a hung sukbuoi tah a, khuoa mi- hriemhai chu a chîn a lienin a hrem a, ngâwtna hri an chungah ân lêngtir a.

1 SAMUEL 6:5

Chuleiin, in ngâwt limhai le in ram suksetu chaichene lim chu siem unla; chun, Israelhai Pathien chu chawimawi ro; chuongchun, a kut chu in chunga dâm, in pathien chunga dâm, in ram chunga dâm sukzâng nuom rawi naw nîm.

1 SAMUEL 6:8

Chun, LALPA bâwm chu la unla, tawlailîra chun sie unla, chun, baw- siet thilînhlâna in inhlân rângkachak thil hlu chu thingrema khumin a sîr- ah sie unla, infetir unla, inthla el ro.