1 SAMUEL 6:20 - Pathien Lekhabu Inthieng (BSI)

²⁰ Beth-semes khuoa mihai chun, “Hi Pathien inthieng LALPA hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.

1 SAMUEL 6:20 ပူးပေါင်းရင်းမြစ်များ

2 SAMUEL 6:7

Chun, LALPA lung chu Uzza chunga chun a sen ta thut a, a thil- thaw indik naw lei chun Pathienin chutaka chun a sukhlum tah a; Pathien bâwm kâwla chun a thi tah a.

2 SAMUEL 6:9

Chu ni chun David chun LALPA chu a ṭih a, “Iengtin am LALPA bâwm hi ka kuom hung tlung thei a ta aw?” a ta.

INPÂKNA HLABU 76:7

Nang, nangma ngei chu ṭi ding i nih, I lunginsen taphawt chun tu am i mithmuah ngîr thei an ta?

LEVI DÂN 11:44

Kei hi LALPA in Pathien ka ni sih a; chuleiin, insukthieng unla, inthiengin um ro; kei kân thieng sih a; hnuoia chêng, bawkinvâk chi a ieng ieng khawma insukpawrche naw ro.

LEVI DÂN 11:45

In Pathien ni dinga Aigupta rama inthawka ṭhuoitu cheu LALPA chu ka ni sih a; kei kân thieng sih a, chuleiin, nangni khawm in inthieng ding a nih.

MALAKI 3:2

“Nisienlakhawm, a hungna nia chun tu am um thei a ta? Ama a hung inlang pha chun tu am ngîr a ta? Ama chu fiena mei ang le, puon sâwptu sabawn ang a ni sih a;

LUKA 5:8

Chun, Simon Peterin chu chu a hmu chun, Isu khûp bulah a bawkkhup a, “Lalpa, mi fe san rawh, mi suol ka ni hi,” a ta.

LUKA 8:37

Chun, a vêl Gerasin mihai rama mi po po chun an ṭi ta bêk bêk leiin, ama chu an kuoma inthawka fe hmang dingin an ngên a; chun, lawngah a chuong a, a kîr nâwk tah a.

THUPUONGSUO 6:17

an lunginsenna ni ropuitak chu a hung tlung ta hi; chuongchun, tu am ngîr thei an ta?” an tih a.

1 SAMUEL 5:7

Chuongchun, Asdod khuoa mi- haiin chuong ang chu a nih ti an lo hrietin, “Israelhai Pathien bâwm hi ei kuoma hin um zing da raw se ie, ei chunga le ei pathien Dagon chunga a kutthlâk a na em el,” an ta.