1 SAMUEL 6:2 - Pathien Lekhabu Inthieng (BSI)

² Chun, Philistin mihai chun, “LALPA bâwm hi iengtin am thâwng ei ta? A umna pângngaia infetir nâwkna dân ding mi hril ta u khai,” tiin thiempuhai le aisânthiemhai an ko a.

1 SAMUEL 6:2 ပူးပေါင်းရင်းမြစ်များ

INṬANNA 41:8

Chun, zîngtieng chun a lungin- zîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um nawh a.

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve tah a.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an nih a, ram dang mi nauhai leh kut le kut an inben leiin, i mi Jakob sûnghai chu i mâksan ta sih a.

DANIEL 2:2

Chun, lal chun a manghai chu hrilfie dingin mitvaidawithiemhai, aisânthiemhai, dawithiemhai le Kal- dai mihai chu ko dingin thu a pêk tah a. Chuongchun, anni chu an hung lût a, lal hmaa chun an ngîr tah a.

DANIEL 5:7

Chun, aisânthiemhai, Kaldai mi- hai le vânghriltuhai chu hung ṭhuoi dingin lal chu inringtakin a khêk tah a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

MATTHAI 2:4

Chuongchun, thiempu lalhai le mihai Dân inchûktirtu po po a ko khâwm a. Krista piengna ding chu ân dawn a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui tah a.

1 SAMUEL 6:1

LALPA bâwm chu Philistin mihai rama chun thla sari a um a.