1 SAMUEL 6:19 - Pathien Lekhabu Inthieng (BSI)

¹⁹ Chun, LALPA bâwm sûng an en leiin Beth-semes khuoa mihai chu a hrem a, anni laia mi sîng nga le sâwmsari zet a hrem a; LALPAIN a hrem nasat êm leiin mihai chu an ṭap a.

1 SAMUEL 6:19 ပူးပေါင်းရင်းမြစ်များ

2 SAMUEL 6:7

Chun, LALPA lung chu Uzza chunga chun a sen ta thut a, a thil- thaw indik naw lei chun Pathienin chutaka chun a sukhlum tah a; Pathien bâwm kâwla chun a thi tah a.

2 CHANCHIN SUINA 25:21

Chuongchun, Israel ram lal Joas chu a hang feh a; Juda rama Beth-semesa chun ama le Juda ram lal Amazia chu hmaisan ngeia chun an inen tah a.

FESUOKNA 19:21

LALPA chun Mosie kuomah, “Fe thla la, mipui chu khap rawh, chuong naw chun hung en dingin LALPA kuom hung nêr thleng hlau an ta, mi tamtak bohmang rawi an tih.

FESUOKNA 33:4

Mipuiin hi thuthang ṭhanaw hi an hriet chun an sûn a, tukhawmin an incheina chu an inbel ta nawh a.

NAMBAR 1:51

Chun, biekbûk chu a suok ding po leh Levi mihai chun ṭhiek hlak an ta, chun, biekbûk chu keizar ding a ni po leh, Levi mihai chun keizar hlak an tih, hnam dang a hung inrawl ve taphawt chu sukhlum ding nîng a tih.

NAMBAR 4:15

Aron le a naupasalhai chun hmun inthieng le hmun inthieng bûrlebêlhai po po an inkhum zo a, umhmun sawn ding hun taphawta chun Kohath naupasalhai chu a zâwn dingin hung inthawk hlak an ta, nisienlakhawm, thil inthienghai chu an them ding a ni nawh, an them chun chu thîng an tih. Hieng hi intuokna puon ina Kohath naupasal- hai chanpuol ding a nih.

NAMBAR 4:18

“Kohath thlahai pahnam chu Levi mihaia inthawkin sukbohmang ni naw sien;

NAMBAR 4:20

amiruokchu, thil inthieng en dingin sâwt nawte khawm lût naw raw hai se, an lût chun thîng an tih,” tiin.

DÂN PAHNINA 29:29

Thil inthuphai chu LALPA ei Pathien ta a na, thil suklanghai ruok chu hi dân thu po po hi ei zâwm theina dingin eini le ei thlahai ta kumkhuo ding a nih.

KOLOSSA 2:18

Mâni insukhnuoi fâwmna le vântirko biekna ngaisâng a, inlârnaa innghat a, an tisa tieng nuom zâwng hlêmna mei meia insukpuithu mi an um a; chuong ang mihai chun in lâwmman chu inchântir naw raw hai se cheu.

1 PETER 4:17

Rorêlna chu Pathien sûnghaia hin ṭan a hun ta sih a; chun, einia hman a phut hmasa chun Pathien Chanchin Ṭha thu zâwm nawhai tâwpna chu ieng tin tak am nîng a ta?