1 SAMUEL 6:17 - Pathien Lekhabu Inthieng (BSI)

¹⁷ Philistin mihaiin rângkachak ngâwt lim LALPA kuoma bawsietna inthâwina dinga an inhlân chu hieng zât hi a nih; Asdod khaw puolin pakhat, Gaza khaw puolin pakhat, Askelon khaw puolin pakhat, Gath khaw puolin pakhat, Ekron khaw puolin pakhat;

1 SAMUEL 6:17 ပူးပေါင်းရင်းမြစ်များ

2 SAMUEL 1:20

Gath-a chun hril naw unla, Askelon kawtthlêrahai chun phuong bawk naw ro; Chuong naw chun Philistin naunuhai lâwm an ta, Sertan lo naunuhai hlimin khêk pal rawi an tih.

2 SAMUEL 21:22

Chun, chuong palihai chu Gath khuoa mi liena inthawka pieng an na, chuonghai chu David le a mihai kutah an thih a.

2 LALHAI 1:2

Chun, Ahazia chu Samaria khuoa um a in pindan chunghnung inhuonna dai âwngkâra chun a tlah a, a damnaw tah a; chun, tirtâwnhai a tir a, “Fe unla, Ekronhai Pathien Baal-zebub chu hi natnaa inthawk hin ka dam nâwk ding am va râwn ta u,” tiin.

2 CHANCHIN SUINA 26:6

Chun, a fe suok a, Philistin mihai ân dopui a; Gath kul le, Jabne kul le Asdod kul chu a suk- siet a; chun, Philistin mihai laia le Asdod biela chun khuohai a siem bawk a.

JEREMIA 25:20

mi chilakhai po po, Uz rama lalhai po po, Philistin mihai rama lal po pohai, (Askelon, Gaza, Ekron le Asdoda la mahlahai leh);

LEVI DÂN 5:7

“A neiin berâmte chu a tlin naw ruok chun, LALPA kuoma inhlân dingin, a suol thaw ta leia bawsietna inthâwina dingin; vaṭhu pahni ama- nih, pârvate pahni amanih a hung chawi ding a nih; pakhat chu suol inthâwina dingin, pakhat chu pumrawhmang thilinhlân dingin.

AMOS 1:6

LALPA chun hieng ang hin a tih, “Gaza khaw bawsietna pathum leiin, anih, pali leiin, a hremna suk- bo naw ning; Edom mi kuoma pêk dingin mi po po sala an ṭhuoi leiin;

AMOS 6:2

Kalne khuoa chun fe unla, en ro; chun, chutaka inthawkin Hamath khaw ropuia chun fe unla, en ro; chun, Philistin ram Gath khuoa chun fe thla unla, hieng ramhai nêk hin an ṭha lem am? In ram nêkin an ram chu a lien lem am?

DÂN PAHNINA 28:27

“Sukdam ruollo, Aigupta khuoi- hli dâm, ngâwtna dâm, invûngna dâm, uithak dâmin LALPAIN hrem a ti cheu.

RORELTUHAI 1:18

Juda chun Gaza le a ram chin, Askelon le a ram chin, Ekron le a ram chin khawm a lâk a.

RORELTUHAI 14:19

Chun, LALPA thlarau chu a chungah nasatakin a hung tlung a, chun Askelonah a zu feh a, chu khuoa mi sâwmthum a that a, an thuom a hlîppêk a, inthlengna puonhai chu thukhir hrilfietuhai chu a pêk tah a. Lungsen êm êmin a pa in tieng a kîr nâwk tah a.

RORELTUHAI 16:1

Samson chu Gazaah a feh a, chutaka chun nawchizawr hi a hmuh a, a kuomah a lût tah a.

RORELTUHAI 16:21

Chun, Philistin mihai chun an man a, a mit an kheldawkpêk a, Gaza khuoah an fe thlâkpui a, dâr kawlhai an inbuntir a, lung inah bu a râwt nawi hlak a.

1 SAMUEL 5:1

Chuongchun, Philistin mihai chun Pathien bâwm chu an lâk a, Ebenezera inthawk chun Asdod khuoah an fepui tah a.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israel- hai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui tah a.

1 SAMUEL 6:4

Chun, anni chun, “A kuoma kan bawsietna inthâwina inhlân ding chu ieng am nîng a ta?” an ta. Anni chun, “Philistin lalhai zâtin rângkachak ngâwt lim panga le rângkachak chaichene lim panga, in rênga chunga hri inlêng le in lalhai chunga inlêng chu hmunkhat a ni sih a.