1 SAMUEL 5:7 - Pathien Lekhabu Inthieng (BSI)

⁷ Chuongchun, Asdod khuoa mi- haiin chuong ang chu a nih ti an lo hrietin, “Israelhai Pathien bâwm hi ei kuoma hin um zing da raw se ie, ei chunga le ei pathien Dagon chunga a kutthlâk a na em el,” an ta.

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Chu ni chun David chun LALPA chu a ṭih a, “Iengtin am LALPA bâwm hi ka kuom hung tlung thei a ta aw?” a ta.

1 CHANCHIN SUINA 15:13

A hmasa khawm khan nang- niin in phur naw leiin LALPA ei Pathien chun a mi lo sukṭhul tah a; thupêk angtaka ei lo thaw naw leiin,” a ta.

FESUOKNA 10:7

Chun, Pharao siehlawhai chun a kuomah, “Hi mipa hi ei ta dingin ieng chen am châng a ni ding a ni leh? An Pathien LALPA chu a rawng an bâwlpêk theina dingin mihai chu infetir ta la: Aigupta hi suksiet vawng a ni tah ti hi i la hriet naw rawp am a nih?” an tih a.

FESUOKNA 12:33

Aigupta mihai chun Israel mihai chu inhmâwtaka suok dingin an nawr sek sek a, “Ei thi zo vawng ding an ta hi,” an ti leiin.

FESUOKNA 8:28

Pharao chun, “LALPA in Pathien kuoma chun thlalêra in inthâwi theina dingin infetir ka ti cheu, amiruokchu, hlatakah fe naw unla, ka ta ding khawmin mi ngênpêk rawh,” a tih a.

FESUOKNA 8:8

Pharao chun Mosie le Aron a ko a, “LALPA chu ngên ro, ka mihai le ka kuoma inthawkin uṭawkhai hi la hmang sienla; chun, LALPA kuoma an inthâwi theina dingin mipui chu infetir ka tih,” a tih a.

FESUOKNA 9:28

Hun ta raw se, riel le vâninrûm ri nasatakhai hi a bona dingin LALPA chu hni la, chuongchun, infetir ka ti cheu, um ta hrim hrim naw ti niu,” a tih a.

JEREMIA 46:25

Sipaihai LALPA, Israel Pathien chun hieng hin a tih: “Ngai ta u, Noa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

1 SAMUEL 4:8

Ei chung a rik ie! chuong pathienhai kut hrâttaka inthawk chun tuin am mi sandam a ta? Chuong pathienhai chu an nih, Aigupta mihai thlalêra hri tinrênga sukhlumtu chu.

1 SAMUEL 5:6

LALPA kut chun Asdod khuoa mihai chu a del ta hle el a, sietna ân tlungtirpêk tâwl tah a, Asdod khuo le a vêl khuohai chu ngâwtin a hrem ta bawk a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui tah a.

1 SAMUEL 6:20

Beth-semes khuoa mihai chun, “Hi Pathien inthieng LALPA hmaa hin tu am ngîr thei a ta, ei kuoma inthawk hi khâwlai am fe suok tâng a ta?” an ta.