1 SAMUEL 4:10 - Pathien Lekhabu Inthieng (BSI)

¹⁰ Chuongchun, Philistin mihai chun an hang thawh a, Israel mihai chu an tlâwm a, an puonin tieng seng an tlân ta vawng a; an that nasa êm êm el a, Israelhai laia sipai sîng thum an thi a nih.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Chun, Absalom ruong chu an lâk a, rampui hnuoia khursûng in- thûktaka chun an peilût a, a chunga chun nasatakin lung an dêng khâwm a, chun, Israel mihai po po chu mâni puon in sengah an tlân tah a.

2 SAMUEL 18:7

Chun, chutaka chun David mihai hmaa chun Israel mihai chu an tlâwm tah a; chun, chutaka chun chu ni chun mi sîng hni zet an that a.

2 SAMUEL 19:8

Chuongchun, lal chu a tho a, kul kawtkhâra chun a ṭhung a; “Ngai ta u, lal chu kul kawtkhâra chun a ṭhung a,” tiin mipui po po chu an hril a; chun, mipui po po chu lal hmaa chun an va fe tah a.

2 SAMUEL 20:1

Chun, chutaka chun Benjamin mi, Bikri naupa a hming Seba, Belial mi pakhat a lo um hlau el a; tawtawrâwt a mût a, “Davida hin chanvo ei nei ve nawh a, Jesai naupaa hin rohluo ding ei nei bawk nawh, aw Israel mihai, in puon in tieng seng fe ro,” a ta.

1 LALHAI 12:16

Chun, Israelhai po po chun lalin an thuhril a pawm nawh ti an hrietin, mipuihai chun, “David a hin chanvo ieng am ei nei leh? Jesai naupaa hin rohluo ding ei nei chuong bawk nawh: Aw Israelhai, in puon in tieng fe vawng ro, David, i sûngkuo chu ngai- tuo el rawh,” tiin lal chu an dawn a. Chuongchun, Israelhai chu an puon in tieng chun an fe tah a.

1 LALHAI 22:36

Chun, nisa tlâk tâwm lai vêl chun, sipaihai lai chun, “Mi tin mâni in tieng seng, mi tin mâni ram tieng seng fe vawng ta raw hai se,” tiin an khêk vêl ta rak el a.

2 LALHAI 14:12

Chun, Juda chu Israelhai hmaa chun a lo tlâwm tah a, mi tin chu mâni in tieng an fe ta seng a.

2 CHANCHIN SUINA 13:17

Abija le a mihai chun nasatakin anni chu an that tah a, chuongchun, thlang ṭhieu Israel mi nuoi nga chu thatin an tlu tah a.

2 CHANCHIN SUINA 25:22

Israel hmaa chun Juda chan chu a se nâwkzuol tah a; mi tin chu mâni puon ina seng an tlânse tah a.

INPÂKNA HLABU 78:9

Ephraim thlahai chu râlthuoma inthuoma, thalngul chawiin, Inthaw ni chun an tlânseh a.

JEREMIA 7:12

Amiruokchu, tuhin ka hmun Siloa chun fe unla, a tira inthawka ka hming kân umtir zingnaa chun; ka mi Israelhai khawhlona leia thil ka ithawhai chu va hmu ta u.

LEVI DÂN 26:17

In chunga chun ka hmai suk- thim ka ta, in hmêlmahai hmaa chun tlâwm in tih; nangni theidatuhai cheuin in chungah ro rêl an ta, tu ihnawt loin tlân in tih.

DÂN PAHNINA 28:15

“Amiruokchu, LALPA in Pa- thien rawl chu nguntaka in ngai a, vawisûna thu ka pêk cheu thupêk po pohai hi fîmkhurtaka in zâwm naw chun hieng ṭawngsie po pohai hi in chungah hung um a ta, nangchîng an ti cheu.

DÂN PAHNINA 28:25

LALPAIN in hmêlmahai hmaa chun suktlâwm a ti cheu a; anni thaw dingin lampui pakhatah suok in ta, lampui pasariah tlânsieng in tih; khawvêl hnam tin laia chun kil tin kil tangah invâk in tih.

1 SAMUEL 3:11

Chun, LALPA chun Samuel kuoma chun, “Ngai ta, Israel rama hin a hre taphawthai na chu a khing hni hnia a ṭhâwng zâwngtakin thil ka thaw ding a nih.

1 SAMUEL 4:2

Chun, Philistin mihai chu Israel mihai lo dang dingin an lo inzar dar a; chun, an hang inthaw chun Philistin mihai hmaa chun Israel mihai chu an tlâwm tah a; indona hmuna chun sipai sâng li lai amanih an that a.