1 SAMUEL 31:12 - Pathien Lekhabu Inthieng (BSI)

¹² mi huoisenhai po po chu an tho a, zânkhawvârin an feh a, Saula ruong le a naupasalhai ruong Beth- san kul banga inthawk chun an lâk a; chun, Jabes an hung tlung a; chutaka chun an rawh a.

1 SAMUEL 31:12 ပူးပေါင်းရင်းမြစ်များ

1 CHANCHIN SUINA 10:12

mi hrât huoisenhai po po chu an tho a, Saula ruong le a naupasalhai ruonghai chu an lâk hmang a, Jabes-a chun an hung lâk a, Jabes- a thingsaisuo hnuoiah an ruhai chu an phûm a, ni sari sûng bu an nghei a.

2 CHANCHIN SUINA 16:14

Ama thlân in David khuoa a siem ngeia chun an phûm tah a; chun, riminhnik le chawkpawl thiem mi- haiin an buotsai riminhnik tinrênga sip khuma chun an inzâltir a; ama ta ding chun meichawk nasatak chu an siem tah a.

JEREMIA 34:5

thlamuongtakin thîng i tih; thlatuhai, i hmaa lal hmasa lo um tahai riminhnik an rawpêk ang khan, nangma ta ding khawma riminhnik râwng an ta, “Aw lalpa!” tiin ṭâng an ti che; hi thu hi ka lo hril ta si a, LALPA chun a tih.

AMOS 6:10

Chun, mi pakhat pami ama rawtu ngei khawmin a lâk a, in sûnga inthawka a ru la suok dingin, in sûngril taka um kuomah, “I kuomah tukhawm an la um am?” a tih a, ama chun, “Um lo,” a ti chun; ama chun, “To zing rawh, LALPA hming chu ei sâm ding a ni si nawh a” tîng a tih.

1 SAMUEL 31:10

A râlthuom chu Astaroth inah an sieh a, a ruong chu Bethsan kul banga chun an târ a.