1 SAMUEL 30:6 - Pathien Lekhabu Inthieng (BSI)

⁶ Chun, David chu a lunginzîng hle el a, mi tin an naupasalhai le an naunuhmeihai leiin mi po po an lungril a na êm êm a, ama chu lunga dêng thu an hril leiin; nisienla- khawm, David chu a Pathien LALPAA chun ân sukhrât a.

1 SAMUEL 30:6 ပူးပေါင်းရင်းမြစ်များ

INṬANNA 32:7

Chuongchun, Jakob chu a ṭi êm êm a, a lunginzîng tah a; chun, a kuoma mi umhai dâm, berâm ruol le bâwng ruol dâm, sanghâwngseihai dâm chu pâwl hniin a siem a:

2 SAMUEL 17:8

Chun, Husai chun, “I pa le a mihai chu i hriet a, sipai huoitak, mi kâwlhrâwngtak, phûla savawm a tê manpêk ang el an na; chun, i pa hi indo mi a na, mipui lai chun riek khawm riek kher naw ni.

2 LALHAI 4:27

Chun, tlânga Pathien mi kuom a hung tlung chun a kephahai chu a chel tlat a. Gehazi chu ama hnawt- kieng ding chun a hung hnai a, ni- sienlakhawm, Pathien mi chun, “Tosan phawt el rawh, a sûngah a lungril a lungngai a nih, LALPA chun chu chu a thup a, ka kuomah a la hril hri si nawh,” a ta.

JOB LEKHABU (THE BOOK OF JOB) 13:15

Ama chun mi sukhlum sien khawm, ama chu la beisei rawp ka tih. A hmabulah ka thiemna thu ka la hril ding a ni si a.

INPÂKNA HLABU 116:10

Ka ring a, thu ka hril ding a ni hi, Nasataka sukrinumin ka um kha.

INPÂKNA HLABU 138:3

Ka ko ni che khan nangin i mi dawn a, Ka hringna sukhrâtin i mîn fui a,

INPÂKNA HLABU 18:2

LALPA chu ka lungpui le, ka kulpui le a mi sanhimtu a nih; Ka Pathien, ka lungpui dettak a nih, amaa chun ka ringna innghat ka tih; Ka phaw le, ka sandamna ki le, ka kulbîng insâng a nih.

INPÂKNA HLABU 18:6

Ka lunginzîngin LALPA chu ka ko hlak a, Ka Pathien ka ko hlak; Ama chun a biekina inthawk chun ka râwl chu a hriet a, A hmaha ka khêkri chu a naah a lût tah a.

INPÂKNA HLABU 25:17

Ka lungril buoinahai hi a hung nasa tah a, Aw ka lungzingnahaia inthawk hin mi ṭhuoi suok rawh.

INPÂKNA HLABU 27:14

LALPA chu nghâk zing rawh, Hrâttakin um la, i lungril chu insukhuoi raw se; Anih, LALPA chu nghâk zing rawh.

INPÂKNA HLABU 31:24

LALPA beiseitu po pohai, Hrâttakin um unla, in lungril chu insukhuoi raw se.

INPÂKNA HLABU 42:11

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, ama chu ka lân pâk ding a ni sih a. Ka hmêl sukmawitu le ka Pathien chu.

INPÂKNA HLABU 42:5

Aw ka hringna, iengdinga i kûn zing am? Iengdinga ka sûnga hin i buoi am a na? Pathien beisei rawh, a hmêla damna lei chun, Ama chu ka lân pâk ding a ni sih a.

INPÂKNA HLABU 42:7

I tui luong ri dur durahai hin tui inthûk le tui inthûk chu an inko a, I tuifâwn le i tui insawk po po chun a mi chîm tlum tah.

INPÂKNA HLABU 56:11

Pathien ka ring a, ṭi naw ningah, Mihriemin ieng am mi law thei an ta?

INPÂKNA HLABU 62:1

Ka hringna hin Pathien chau a nghâk a, Amaa inthawk chun ka sandamna a hung suok ding a nih.

INPÂKNA HLABU 62:5

Ka hringna, Pathien chau nghâk rawh; Ka beiseina hi ama kuoma inthawka suok a ni sih a.

INPÂKNA HLABU 71:4

Aw ka Pathien, mi rilo kuta inthawkin mi sansuok la, Mi fel naw le nunsetak kuta inthawk chu.

INPÂKNA HLABU 71:5

Aw LALPA Pathien, nang chu ka ibeisei chu i na, Ka naupangtea inthawka ka iring chu i nih.

FESUOKNA 17:4

Mosie chun LALPA a ko a, “Hi mipui hi iengtin am thâwng ka ta? Lunga mi dêng dingin an intûng el a ni sih a,” tiin.

THUVARHAI 18:10

LALPA hming chu kulbîng dettak a na, Mi fel chu chutaka chun a tlân lût a, a him hlak.

ISAI 25:4

Mi ṭiumhai thuok chu thlipuiin bang a nam sawk sawk anga a hung um lai hin, nang chu mi rimsihai ta dingin kulbîng, pasie lunginzîng laia dinga kulbîng, thlipuia inthawka inhumhimna, nisa sat hlietu i ni hlak sih a.

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

JONA 2:2

Hieng ang hin a tih a: “Ka rinumna leiin LALPA chu ka ko a, Ama chun a mi lo dawn a; Seol phîng sûnga inthawk chun ka ko a, Nangin ka râwl chu i hriet a.

NAMBAR 14:10

Nisienlakhawm, a pungkhâwm- hai po po chun lunga dêng an rawt a. Chuongchun, LALPA ropuina chu intuokna puon inah Israel thlahai po po hmaa chun a hung inlang a.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

MATTHAI 27:22

Pilatin an kuomah, “Isu, Krista an ti hi iengtin am thâwng ka ti leh?” a ta. An rêngin, “Krawsah inhemdêtir rawh,” an tih a.

JOHAN 8:59

Chuongchun, ama dêngna dingin lung an rût a; nisienlakhawm, Isu ân bi hmang a, Pathien biekina inthawk chu a suok tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:18

Beiseina âwm a um naw khawmin beiseitakin a ring a, chi tamtakhai pa a hung ni theina dingin, “Khi zât khin i thlahai la um an tih,” tia hril ang khan.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:20

Nisienlakhawm, ringna tlasam- in Pathien thutiem chu a ringhla chuong nawh a, Pathien a châwimawi a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

2 KORINTH 1:6

Nisienlakhawm, rinuma kan um leh nangnirawi thlamuongna ding le sandamna ding a na, thlamuonga kan um leh nangni thlamuong vena ding a nih; chu chun ka rinum tuor bawk hi seltaka in tuornaa chun a thaw hlak a nih.

2 KORINTH 4:8

Khing tieng khing tienga hneng- dein kan um a, nisienlakhawm, kan thuok a dawng si nawh; lunginzîngin kan um a, nisienlakhawm, kan bei a dawng si nawh.

2 KORINTH 7:5

Makedonia ram kan tlung khawm khan kan tisa chun muongna hrim a nei chuong nawh a; khing tieng khing tienga sukrinumin kan um ta lem a, puotiengah insuol- nahai a um a, sûngtiengah ṭitnahai a um a.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

RORELTUHAI 18:25

Dan thlahai chun a kuomah, “Keini lai hin ṭawng mei mei naw ta khai, chuong naw chun chu mi lunginrawm kut tuor rawi i tih; nang le i sûnghai hringna chân el rawi in tih,” an tih a.

RORELTUHAI 20:22

Chun, mipui, Israel mihai chu an hang infui tuo nâwk a, an thaw phut nia an thawna hmuna bawk chun thaw dingin ṭhang an hang siem nâwk a.

1 SAMUEL 1:10

Chun, Hanna chu a lungril a lunginzîng êm êm el a, LALPA kuomah a ṭawngṭai a, lungsetakin a ṭap a.

1 SAMUEL 23:16

Chun, Saula naupa Jonathan chu a tho a, Horeshah David kuoma chun a feh a. Pathienah a kut chu a sukhrâtpêk a.

1 SAMUEL 28:15

Chun, Samuel chun Saula kuomah, “Iengdinga hienga i mi ko suok buoi am a na?” a ta. Saula chun a dawn a, “Ka lunginzîng êm êm ela a nih, Philistin mihai chun an mi do a, Pathien hlak chun a mi nghatsan a, zâwlneiin amanih, mangin amani khawm a mi dawn ta hrim hrim nawh a; chuleiin, ka thaw ding mi hril dingin ka ko el che a nih,” a ta.