1 SAMUEL 3:18 - Pathien Lekhabu Inthieng (BSI)

¹⁸ Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei nawh a. Chun, ama chun, “LALPA a nih annâwm, ṭha a ti ang peiin thaw raw se,” a ta.

1 SAMUEL 3:18 ပူးပေါင်းရင်းမြစ်များ

INṬANNA 18:25

Nang êm chun, chuong ang êm chun, mi felhai chu mi suolhai anga an um vena dinga mi felhai chu mi suolhai laia sukhlum ve el chu i thaw awm êm si nawh a; nang êm chun i thaw âwm êm si nawh a: hnuoi chung po po Rorêltu chun feltakin a thaw naw ding am a nih?” a ta.

2 SAMUEL 10:12

Huoitakin um unla, ei mihai le ei Pathien khuohai sanin insuk pasal ei tiu; chun, LALPA chun ṭha a ti ang peiin thaw raw se,” a ta.

2 SAMUEL 15:26

amiruokchu, ‘Nangmaah lâwm- na hrim ka nei nawh,’ a ti chun, ngai ta, hieng el hi ka na, ṭha a ti ang angin ka chunga hin thaw el raw se,” a ta.

2 LALHAI 20:19

Chuongchun, Hezekia chun Isai kuomah, “I hril LALPA thu hi a ṭha ie,” a ta. Chun, “Ka dam sûng hin inremna le thutak a um ding phawt chun,” a ti nâwk nghâl a.

1 CHANCHIN SUINA 19:13

Insukhuoi unla, ei hnam le ei Pathien khawpuihai sanin insuk- pasal ei tiu: chun, Pathien chun ṭha a ti ang peiin thaw raw se,” a ta.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; LALPA chun a pêk a, LALPA chun a lâk hmang nâwk tah a ni chu; LALPA hming chu inpâkin um raw se,” a ta.

JOB LEKHABU (THE BOOK OF JOB) 2:10

Nisienlakhawm, ama chun a kuomah, “Nuhmei invêt thuhril angin thu i hril a nih. Iengdingin am Pathien kuta inthawka thil ṭha ei hmu chun, thil ṭha naw khawm ei hmu naw ding am a nih?” a ta. Hieng thilhai po poa khawm hin Job chun a hmûrhai khawmin thil a suksuol nawh a.

INPÂKNA HLABU 39:9

Nangma thaw a ni leiin, Ka ṭawng nawh a, ka bau ka ka bawk nawh.

FESUOKNA 34:5

LALPA chu sûma chun a hung thlah a, ama kâwla chun a hung ngîr a, LALPA hming chu a phuong tah a.

ISAI 39:8

Hezekia chun Isai kuomah, “LALPA thu i hril hi a ṭha ie,” a ta. Ama ma chun, “Ka dam sûng hin remna le thutak a um ding a ni sih a,” a ta.

JEREMIA 34:6

Chun, Jeremia chun Juda ram lal Zedekia kuoma chun hieng thuhai hi Jerusalema chun a hril a;

JEREMIA 38:14

Chun, lal Zedekia chun mi a tir a, LALPA ina um lûtna pathumnaa khan a kuomah zâwlnei Jeremia chu a ṭhuoi tah a; chun, lal chun Jeremia kuoma chun, “Thil pakhat indawn ka ti cheh a, ka kuomah iengkhawm ip naw rawh,” a ta.

JEREMIA 42:4

Chun, zâwlnei Jeremia chun an kuomah, “In thu chu ka hriet tah a; ngai ta u, LALPA in Pathien kuoma chun in thuhai ang peiin ṭawngṭai ka tih; chun, thil iengkhawma LALPAIN a hung dawnna cheu chu in kuomah hrilfieng ka tih, iengkhawm in kuomah ip naw ning,” a ta.

ṬAP HLA 3:39

Iengleiin am mi hring chu mi a suolnahai leia hremna thua chier hlak a na?

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,

RORELTUHAI 10:15

Chun, Israel mihai chun LALPA kuomah, “Thil kan lo suksuol tah a nih; nangin ṭha i ti ang angin kan chungah thaw la, kan hni che hi, a san ruok chu vawisûn hin mi hung sansuok hrâm raw khai,” an tih a.