1 SAMUEL 3:13 - Pathien Lekhabu Inthieng (BSI)

¹³ A nauhaiin Pathien an hrilsiet- na suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta sih a.

1 SAMUEL 3:13 ပူးပေါင်းရင်းမြစ်များ

1 LALHAI 1:6

A pa hlak chun ieng lai khawma, “Iengdinga hienga i thaw am a ni leh?” tiin a suklungawi naw ngai si nawh a; chun, ama hi hmêl ṭhatak a na, Absalom hnuoia mi a nih.

1 LALHAI 2:44

Chun, lal ma chun Simei kuom- ah, “I lungril sûng rîtlozie, ka pa David chunga i thawziehai kha i hriet vawng a, chuongchun, LALPAIN i rîtlona hi nangma lu chunga ngei hung inlêttir a tih.

2 CHANCHIN SUINA 20:12

Aw kan Pathien, nangin an chungah ro i rêl ding a ni naw am a nih? Hieng keini mi hung thaw tum pâwl nasatak el chunga hin hrâtna kan nei si nawh a; ieng am thaw ding a na ti khawm kan hriet bawk nawh; nangma tieng kan hung ngha a nih,” tiin.

THUVARHAI 19:18

Beiseina a la um laiin i naupa chu thunun la, A sietna ding êm chun lungril nei naw rawh.

THUVARHAI 29:15

Hmawl le kâwkna hin varna a pêk a, Amiruokchu, naupang a khâta mâksan el hin a nu chu a sukzak hlak.

THUHRILTU 7:22

nang ngei khawma chuong ang bawk chun mi danghai ṭawngsie în phur rawp hlak ti i lungrilin i hriet rawp sih a.

EZEKIEL 18:30

Chuleiin, Israel sûngkuo, mi tin chu a thilthawhai ang peiin rêlpêk ka tih, Lalpa PATHIEN chun a tih. Hung kîr unla, in bawsietnahai po poa inthawkin hung kîr ro; chuongchun, suolna chu in tlûkna lung hung ni naw nih.

EZEKIEL 7:3

Tuhin tâwpna chu i kuoma chun a um a, i chunga chun ka lunginsenna chu ka hung tir ding a nih; i um- dânhai ang peiin i chungthu rêl ka ta, i tirdakumnahai leiin hrem ka ti che.

JOEL 3:12

Hnamhai chu inchawktho sien- la, Jehosaphat kâwna chun hung tâwl raw hai se, chutaka chun a vêla hnam po po hai chunga rorêl dingin ka ṭhung ding a nih.

MATTHAI 10:37

“Tukhawm a nu amanih, a pa amanih keia nêka hmangai lem chu ka mi ni tlâk a ni nawh; tukhawm naupa amanih, naunu amanih keia nêka hmangai lem chu ka mi ni tlâk a ni nawh.

DÂN PAHNINA 17:12

LALPA in Pathien hmaa rawng- bâwla ṭhang hlak thiempu le rorêltu thu pawm loa, thawlui taphawt, chu mi chu sukhlum ding a nih, Israelhai laia inthawkin, chu thil ṭha naw chu in sukbo ding a nih.

DÂN PAHNINA 21:18

“Miin naupasal kâwmâwtak, hel hmangtak el nei sienla, a nu le pa thu awi loin, an thununna pawm naw sienla,

1 JOHAN 3:20

ei lungrilin thiemnaw a mîn changtirna kawnga chun, Pathien chu ei lungril nêkin a ropui lem a, iengkim a hriet sih a.

1 SAMUEL 2:12

Eli naupasalhai chu Belial nauhai an na, LALPA chu an hriet nawh a.

1 SAMUEL 2:17

Chuongchun, tlangvâlhai suol- na chu LALPA mithmuah a lo nasa ta êm êm el a, mihai chun LALPA kuoma inthâwina inhlânhai chu an ngainêp pha ta sih a.