1 SAMUEL 28:3 - Pathien Lekhabu Inthieng (BSI)

³ Samuel chu a thi tah a, Israel mihai po poin an ṭah a, ama khuo ngei Rama khuoa chun an phûm tah a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng tah a.

1 SAMUEL 28:3 ပူးပေါင်းရင်းမြစ်များ

FESUOKNA 22:17

“A pa chun ama chu a pêk nuom dêr naw chun, nunghâk man ang hu tangka a pek tho ding a nih.

FESUOKNA 22:18

“Dawithiemnu chu a hring i phal ding a ni nawh.

LEVI DÂN 19:31

“Khawhri aisânthiem zâwlhai chu pan naw unla, dâwithiemhai khawm in pawrche phâna dingin zawng suok naw ro: Kei hi LALPA in Pathien chu ka nih.

LEVI DÂN 20:27

“Pasal khawm, nuhmei khawm, khawhri aisânthiem amanih, dâwi- thiem amani chu sukhlum ngei ding a nih; lunga dêng nîng an ta; an thisen maw an chungah um a tih,’ ti rawh,” tiin.

LEVI DÂN 20:6

“Khawhri aisânthiem zâwlhai le dâwithiemhai pana uiretu chunga chun ka hmai sukthim ka ta, a chipui- hai laia inthawk chu sukbohmang ka tih.

1 SAMUEL 15:23

Helna hi aisan thiemna suolhai leh ân ang a, kawmâwna hi milim biek le rîtlona suol tluk a nih. LALPA thu i dit naw leiin ama khawma lal dingin a dit bîk ta naw che a nih,” a ta.

1 SAMUEL 25:1

Chun, Samuel chu a thi tah a; chun, Israel mihai po po chu an inko khâwm a, an ṭah a; Rama khuoa a ina chun an phûm tah a. Chun, David chu a tho a, Paran thlalêrah a zu feh a.

1 SAMUEL 28:9

Nuhmei chun a kuomah, “Ngai ta, Saula thilthaw chu i hriet a, a rama khawhri aisânthiem le dawi- thiemhai chu a sukbo zo tah a, iengdingin am ka thina dingin ka hringna châng i kam ding a ni leh?” a ta.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun LALPA ta dingin mâichâm a siem a.