1 SAMUEL 26:25 - Pathien Lekhabu Inthieng (BSI)

²⁵ Chuongchun, Saula chun David kuomah, “Ka naupa David, mal- sâwmin um raw khai, thilthawthei- takin um i ta, hne pei i tih,” a ta. Chuongchun, David chu a feh a, chun, Saula khawm chu ama hmun tieng chun a fe ve tah a.

1 SAMUEL 26:25 ပူးပေါင်းရင်းမြစ်များ

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i thawh a, i hne ta sih a,” a tih a.

THUVARHAI 26:25

Thu a hril ṭha hle khawm a, ama chu ring naw la, A lungrila chun tirdakumna pasari a um sih a.

ISAI 54:17

Nangma thawna dinga hriem sut hrim hrim ṭhahnem naw nih a, lei tinrêng thupawia nangma hung khing- tuhai che chu thiemnaw inchangtir i tih. Chu chu LALPA siehlawhai ro- chan chu a na, an felna chu ka kuoma inthawk a nih, LALPAIN a tih.

HOSEA 12:4

Anih, vântirko a thawh a, a hne tah, A ṭap a, ditsakna a ngên a, Bethel hmuna chun ama a hmu tah a, Chutaka chun a kuomah thu a hril a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:35

Krista hmangainaa inthawk chu tuin am mi ṭhêng a ta? Rinum- nain amanih, lungngainain amanih, suknawmnatnain amanih, ṭâmin amanih, saruoknain amanih ṭiumin amanih, kâwlhnâmin amanih a mi ṭhe ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:37

Ṭhe lo e! chuong po poa chun, a mi hmangaitu lei chun ropuitaka hnetu ei nih.

1 SAMUEL 24:19

Miin a hmêlma hmu ang sienla, tlangtakin ân suo nuom ding am a nih? Chuleiin, vawisûna ka chunga i thilthawa hin LALPAIN thil ṭhain thung raw se che.

1 SAMUEL 24:20

Ngai ta, lal i la ni ngei ding a na, Israel ram chu i kutah sukdetin a um ding a ni ti ka hriet tah.

1 SAMUEL 24:22

Chuongchun, David chun Saula kuoma chun ṭawng ân khâm tah a. Chun, Saula chu a fe tah a, David le a mihai ruok chu kulbînga chun an hang fe tah a.