1 SAMUEL 26:19 - Pathien Lekhabu Inthieng (BSI)

¹⁹ Chuleiin, lalpa, ka pu chun a siehlaw thu hi ngai dingin ka hni che. Kei mi do dinga i lungril chawkthotu chu LALPA a ni chun thilinhlân chu pawm hrâm sienla; mihriem nauhai an ni ruok chun LALPA hmaah ṭawngsephurin um raw se, ‘Fe la, pathien danghai rawng bâwl rawh,’ tiha LALPA ro ka hluo thei nawna dinga vawisûn hin an mi hnawt hmang ka ni sih a.

1 SAMUEL 26:19 ပူးပေါင်းရင်းမြစ်များ

INṬANNA 44:18

Chu phingleh Juda chun Josef chu a va hnai a, “Aw pu, lungin- siettakin i siehlaw hi i hrietah thu bau khat mîn hriltir rawh, i lunginsen chu i siehlaw chunga hin inchawktir naw la, nang chu Pharao ang el i ni sih a.

INṬANNA 8:21

Chun, LALPAIN riminhnik chu a hriet a; chun, LALPA chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol sih a; tuta ka hrem ang hin thilsiem hringna nei tinrêng chu hrem nâwk ta naw bawk ka tih.

2 SAMUEL 14:16

Lal chun kei le ka naupa hi Pathien ro hluo lo dinga mi sukbo- hmang tumtu kuta inthawkin i suok- nu hi sansuok dingin lo ngaisak i tih ka tih a.

2 SAMUEL 16:10

Nisienlakhawm, lal chun, “Nangni Zeruia naupasalhai, nangni mi lo hrietpêk ding ieng am a um a? LALPAIN a kuomah, ‘David chu ṭawngsie inphur rawh,’ a ti si chun inphur el raw se, ‘Iengdinga chuong anga i thaw am a ni leh?’ tuin am ti hlak an ta?” a ta.

2 SAMUEL 16:11

Chun, David chun Abisai le a siehlawhai po po kuoma chun, “Ngai ta u, ka naupa ka rîla ra ngei chun mi that a tum a na, hi Benjamin mi hin a va tum nasa nâwk zuol âwm de! Ieng- khawm law naw unla, ṭawngsie chu inphur el raw se; LALPA inthawtir a ni sih a.

2 SAMUEL 20:19

Kei hi Israelhai laia inrem nuom le ringum pâwl ka na, nang chun Israel khuo, a khaw bulpui hi suksiet i tum a ni hi, LALPA ro chu iengdinga sukhmang i tum am a na?” tiin a hril a.

2 SAMUEL 21:3

David chun Gibeon mihai kuoma chun, “Iengam thawpêk ka ti cheu a? LALPA ro chu mal in sâwm theina dingin ieng ang inremna am siempêk ka ti cheu a?” a ta.

2 SAMUEL 24:1

Chun, LALPA lunginsenna chu Israelhai chungah a ṭuong nawk ta thut a, “Fe la, Israel mihai le Juda mihai tiem vawng rawh,” tiin David chun an pawi tâwk dingin a chawktho a.

1 LALHAI 22:22

Chun, LALPAIN a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

1 CHANCHIN SUINA 21:1

Setan chu Israel mihai chunga chun a hung tho a, David chu Israel mihai chu ân tiemtir tah a.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

INPÂKNA HLABU 20:4

I lungril dit zâwng chu pe phal sienla che, I remruot po po chu inhlawtlingtir raw se che.

THUVARHAI 30:10

Siehlaw chu a hotu kuoma chun hrilse naw la, Ṭawngsie inphur a ti cheh a, thiemnaw chang hlau rawi i tih.

ISAI 60:5

Chu pha chun hmûng i ta, var tâng i tih, i lungril chu inthin a ta, suklienin um a tih; tuisuorieta sum- dâwngna tamtak el chun nanga tieng a pan ding a ni leiin le, hnam tin sum chun i kuom a hung tlung ding a ni leiin.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

NAMBAR 36:7

Chuongchun, Israel thlahai hnam chu hnam dang dang kuomah sawn sawn ni naw nih. Israel thlahai chun an pi le puhai hnam ram chu an chang zing ding a nih.

NAMBAR 36:9

Chuongchun, ram chu hnam dang dang kuoma sawn sawn a ni naw ding a nih. Israel thlahai chun anni ram seng chu an chang ding a ni sih a,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:15

I thil fâk leia i unau lungril a na chun, hmangai dân kawng chu i hraw ta nâw a nih. A thi ai Kristain a thipêk chu i thil fâkin sukbo naw rawh.

GALATI 5:12

A sukbuoitu cheu chu intan thla law law sien ka nuom a nih.

DÂN PAHNINA 13:3

chu zâwlnei amanih, mang neitu amanih thuhai chu in pawm ding a ni nawh; LALPA in Pathien chun in lungril po po le in hringna po poin LALPA in Pathien chu in hmangai le hmangai naw ti hriet fiena dingin a fie cheu a ni lem.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

1 SAMUEL 18:10

Chun, a zînga chun Pathien tir khawhri Saula chunga chun a hung tlung ta rak el a, in sûnga chun thu chu a hril ta nuk nuk el a, chun, David chun ni danga a thaw dân ang bawkin ṭingṭang a kei a: Saula chun a fei chu a chawi zing a.

1 SAMUEL 24:9

Chun, David chun Saula kuomah, “Ngai ta, ‘David hin i sietna ding a zawng a nih,’ tiha mihaiin i kuoma an hril chu iengdinga i awi hlak am a na?

1 SAMUEL 25:24

Chun, a ke bula chun a bawk- khup a, “Keimân, pu, keima ngeiin khawhlona chu phur el ka tih, chun, i siehlawnu hin i na hrietah thu hril sienla, i siehlawnu thuhril chu ngai dingin ka hni che a nih.

1 SAMUEL 27:1

Chun, David chun a lungrilin “Iengtika mani chu Saula kuta hin ka la bohmang ngei ding chu a ni hi; Philistin mihai rama tlânhmang nêka ṭha hi a um naw ding a ni hi; chuongchun, Saulan Israel ram sûng po poa a mi zawng hi beidawng tâng a ta, chuongchun, a kuta inthawka suok nîng ka tih,” a ta.