1 SAMUEL 26:10 - Pathien Lekhabu Inthieng (BSI)

¹⁰ Chun, David ma chun, “LALPA hringna sâlin ka hril a nih, LALPA chun a chungah kut thlâk naw nîm, an naw vêk leh a thi ni la hung tlung el a tih; a ni naw vêk leh indonaah fêng a ta, bohmang el a tih.

1 SAMUEL 26:10 ပူးပေါင်းရင်းမြစ်များ

INṬANNA 47:29

Chun, Israel thi hun ding chu a hung hnai tah a; chuongchun, a naupa Josef chu a ko a, a kuomah, “I mi lunginsiet thei chun, lungin- siettakin i kut kha ka êlpui hnuoiah rawl la, ka chungah thuzâwmtak le indiktaka thaw dingin intiem rawh. Aiguptaa hin mi phûm lul naw rawh.

JOB LEKHABU (THE BOOK OF JOB) 14:14

Mi a thi chun a hring nâwk ding am a nih? Ka nihai po po chu nghâk ka tih, Insuoa ka umna chu a hung tlung hmakhat chun.

JOB LEKHABU (THE BOOK OF JOB) 14:5

A nihai chu biruot a na, a thla ni zâthai khawm chu nangma kuomah a um a, Nang chun a fe pei thei nawna dingin a ramrihai chu i khang tâk hnung chu.

JOB LEKHABU (THE BOOK OF JOB) 7:1

“Hnuoi chunga hin mihriem chun sin thaw ding a nei zing ni lo am a nih? A nihai khawm chu inhlawfa ni ang a ni naw am a nih?

INPÂKNA HLABU 37:10

Sâwt nawtê hnungah mi rilo chu a um ta awm si nawh a, Anih, a umna hmun chu en en hman la khawm um ta naw ni.

INPÂKNA HLABU 37:13

LALPA chun ama chu nuisan a ta, A ni a hung tlung ding a ni ti a hriet leiin.

INPÂKNA HLABU 94:23

Ama chun anni suolna ngei chu an chungah ân tlâktir a, Anni ṭhat nawna ngeia chun sukbohmang a ta; LALPA ei Pathien chun sukbohmang a tih.

THUHRILTU 3:2

Pieng hun a um a, thi hun a um a; Phun hun a um a, phunsahai phâwi hun a um bawk a;

LUKA 18:7

An chungah zai la daw hri sien khawm, a mi thlang, asûn azâna ama kotuhai phuba chu Pathienin a lâkpêk naw ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.

DÂN PAHNINA 31:14

LALPA chun Mosie kuomah, “Ngai ta, i thi hun a hung hnai tah a; Josua chu ko la, inbiekna puon ina chun vân lang ro, thu ka pêk ding a nih,” a ta. Mosie le Josua chu an feh a; inbiekna puon ina chun an vân lang a.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an tah a, An chunga thil tlung dinghai chu hung tlung vak a tih.

HEBRAIHAI 10:30

“Phuba hrim hrim keia lâk ding a nih, keiin thung ka tih,” ti le “Lalpa chun a mihai ngaituong a tih,” ti nâwktu chu ei hriet si a.

HEBRAIHAI 9:27

Chun, mihriem ta dingin vawi khat thi ruot a nih, chu hnunga chun rorêlna um a tih;

THUPUONGSUO 18:8

Chuleiin, ni khat sûngin a hrem- na hri dâm, lungngaina dâm, ṭâm dâm chu–hung tlung vawng a tih; meia rawhmangin um bawk a tih; a rorêltu, Lalpa Pathien chu a hrât sih a.

1 SAMUEL 24:12

LALPA chun nang le keia chungthu hi rêl raw se; chun, LALPA chun i chungah phuba mi lapêk raw se; nisienlakhawm, kei chun chu i chungah kut thlâk naw hrim hrim ka tih.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 25:26

Chuleiin, tuhin pu Lalpa hring- na le i hringna sâlin ka hril a nih, ka lo hmu naw takzet a nih, LALPAIN thisen insuo lo ding le i kuta phuba la lo dingin a siem si cheh a, i hmêl- mahai le ka pu ṭhat nawna zawng- tuhai chu Nabal ang ni el raw se.

1 SAMUEL 25:38

Chun, ni sâwm hnunga chun LALPAIN Nabal chunga chun kut a thlâk a, a thi tah a.

1 SAMUEL 25:39

Chun, Davidin Nabal chu a thi ti a hang hriet chun, “Ka hming sietna dingin Nabal thilthawa mi hrilpuia, a siehlaw chu thil ṭha naw chu thaw lo dinga mi khaptu LALPA chu inpâkin um raw se; Nabal thil ṭha naw thaw chu LALPAIN ama chung ngeiah ân tlâktir tah a nih,” a ta. Chun, David chun Abigail chu nu- hmei dinga va be dingin mi a tir a.

1 SAMUEL 31:4

Chuongchun, Saula chun a râl- thuom chawitu kuoma chun, “I kâwlhnâm kha phawi la, mi hang sunthleng rawh, chuong naw chun hieng sertanlohai hi hung an ta, mi hung sunthleng an ta, mi uongkhum nghe nghe rawi an tih,” a ta. Nisien- lakhawm, a râlthuom chawitu chun a thaw nuom nawh a, a ṭi êm êm el sih a. Chuleiin, Saula chun kâwlhnâm chu a lâk a, a bawlût tah a.

1 SAMUEL 31:6

Chuongchun, Saula leh, a nau- pasal pathumhai leh, a râlthuom chawitu leh, a mihai po po leh, chu ni ngei chun an thi seng tah a nih.