1 SAMUEL 25:29 - Pathien Lekhabu Inthieng (BSI)

²⁹ Nangma hnawt ding che le i hringna sukbo dingin mihai hung in- thawk hai sien khawm, ka pu hringna chu LALPA i Pathien le hringna intêl laia intêl nîng a ta; i hmêlmahai hringna ruok chu vailungdêng phana dêng angin dêng hmang dai a tih.

1 SAMUEL 25:29 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin LALPA thu chu Abram kuomah mang angin a hung tlung a.

2 SAMUEL 4:8

Chun, Is-boseth lu chu Hebrona chun David kuomah an hung lâk a, lal kuoma chun, “Ngai ta, hi nanga that tumtu, i hmêlma Saula naupa Is-boseth lu, LALPA chun kan lalpa phuba vawisûn hin Saula le a thlaa inthawkin a lâkpêk ta a ni hi,” an ta.

JOB LEKHABU (THE BOOK OF JOB) 27:22

Pathien chun ama chu pei thlâng a ta, hla naw ni, A kuta inthawkin thinthla hmang a tih.

INPÂKNA HLABU 116:15

A mi inthienghai thina chu, LALPA ngai chun hlutak a nih.

INPÂKNA HLABU 54:3

Mi chapohai chun an mi thaw ta sih a, Mi nunrâwnghaiin ka hringna hi sukbo tumin an zawng bawk a; Pathien chu an hmaah an sie nawh.

INPÂKNA HLABU 66:9

Ama chun ei hringna hi a sukhring zing a, Ei kehai hi suktâwl a phal nawh.

JEREMIA 10:18

LALPA chun hieng hin a ti sih a: Hieng ang huna hin ram hluotuhai chu the suok ka ta, an tuorna dingin anni chu sukrinum ka tih.

MALAKI 3:17

Sipaihai LALPA chun, “Anni chu ka tahai nîng an ta, ro mak bîktak ka siemna nia ngei chun; chun, miin a naupa ama rawngbâwl- tu chu a hla hlak angin anni chu hlâng ka tih.

JOHAN 14:19

Sâwt nawtê hnungah khaw- vêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 17:21

Pa, nang keimaa i um le, kei nangmaa ka um ang bawk hin, anni khawm einia an umna dingin: nangin i mi tir ti khawvêlin an awi theina dingin.

JOHAN 17:23

kei anniah, nang keimaah, anni pumkhata an um a, an famkim theina dingin, nangin kei i mi tir ti le, i mi hmangai angin anni hi i hmangai ti, khawvêlin an hriet theina dingin.

DÂN PAHNINA 33:29

I hamṭha de, aw Israel, Nang ang hrim tu am an um a, LALPA sandam mihai? Nangma ṭhangpuitu phaw, I ropuina kâwlhnâm a nih, I hmêlmahai i kuomah intuklût an ta, An hmun insânghai chu chîl i tih,” a ta.

1 PETER 1:5

Sandamna, hun nuhnunga in- lang dinga inzosa chu hmu dingin, ringna leia Pathien thilthawtheinaa vêng chu in nih.

1 SAMUEL 2:9

A mi inthieng ke chu vêng a ta, Mi suolhai ruok chu inthim hnuoiah sukdei ṭhapin um an tih; Hrâtna chun tukhawma an ngam âwm si nawh a.