1 SAMUEL 25:21 - Pathien Lekhabu Inthieng (BSI)

²¹ David chun, “A iengkhawm, ân hmang nawna dingin hi mipa nei hi thlalêrah a thlâwn ela vêngpêk ka lo ni hi tie; thil ṭha chu thil ṭha nawin a mi thung el ta sih a.

1 SAMUEL 25:21 ပူးပေါင်းရင်းမြစ်များ

INṬANNA 44:4

Khuoa inthawka an fe suok chu an la tlung hlat hmain, Josef chun a in enkawltu kuoma chun, “Tho la, mihai kha va hnawt rawh; chun, i hnawt phâk phingleh an kuomah, ‘Iengtizieha thil ṭha thil ṭha nawha thung am in ni lie? Iengdinga ka tangkaruo no kha in inrûk am?

JOB LEKHABU (THE BOOK OF JOB) 30:8

Invêt nauhai an nih, anih, mi hmangnabohai nauhai an na; Rama inthawk hnawt suok an nih.

INPÂKNA HLABU 35:12

Ka hringna khawm beidawng dêr khawpin, Thil ṭha thil suolin an mi thung a.

INPÂKNA HLABU 37:8

Lunginsen hi bânsan la, lungsenna chu sim rawh. Insuklungngai nuom naw, thil- suksuolah inchang thei a nih.

INPÂKNA HLABU 38:20

Thil ṭha thil suola thung hlak- tuhai hi, Thil ṭha ka hnawt leiin a mi dotuhai an nih.

THUVARHAI 17:13

Tukhawm thil ṭha aia thil ṭha naw pe lem chu, Thil ṭha naw a ina inthawkin fe hmang ngai naw nih.

JEREMIA 18:20

Thil ṭha naw chu thil ṭhaa thung a ni ding am a nih? Ka thlarau ta dingin khur an cho ta sih a. An ta dinga thil ṭha hril dinga i hmaa, i lunginsenna annia inthawka suk- kieng dinga ka ngîr kha hre zing la.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:21

Suol ihnein um naw la, ṭhatnain suol chu hne lem rawh.

EPHESI 4:26

Lunginsen unla khawm a suol ruok chu suol naw ro; in lungsen chu nisain tlâkpui naw raw se:

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

1 THESSALONIKA 5:15

Tûkhawmin tu suol khawm suola thung lo dingin fîmkhur ro; thil in inthawpêk tuona tieng le, mi po po chunga in thawpêkna tienga khawm a ṭha taphawt chu hnawt lem rawp ro.

1 PETER 3:17

Thil suol thaw leia tuor nêk chun, Pathien remti zâwng a ni chun thil ṭha thaw leia tuor hi a ṭha lem sih a.

1 PETER 3:9

Suol suolin thung naw unla, halna halna bawkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

1 SAMUEL 25:13

Chun, David chun a mihai kuoma chun, “In kâwlhnâm pai seng ro,” a ta. Chun, an kâwlhnâm chu an pai seng a, David khawm chun a kâwlhnâm chu a pai a; mi za li laiin David chu an hang zui a; chun, mi za hni chu thuomhnaw nghâkin an um a.

1 SAMUEL 25:15

Nisienlakhawm, anni chu kan chungah an ṭha hle el a, kan pawi iengkhawm an tâwk nawh a, phûla kan uma kan um hmunkhat sûng po po khan iengkhawm kan inhmang nawh a;

1 SAMUEL 25:20

Chuongchun, a sabengtung chunga chun a chuong a, tlâng kâr- kawta a ṭum laiin ngai ta, David le a mihai chun an hung pan a; chuong- chun, an intuok tah a.

1 SAMUEL 25:7

I berâm hmul vâwtuhai an um ti ka hriet a; I berâm vêngtuhai chu ka kuoma hin an um hlak a, an pawi iengkhawm kan tâwk nawh a, Karmel tlânga an um sûng hrim hrim hin iengkhawm an chân nawh.