1 SAMUEL 24:8 - Pathien Lekhabu Inthieng (BSI)

⁸ A hnung ela chun David khawm chu a tho a, pûka inthawk chun a suok a, “Lalpa, ka lalpa,” tiin Saula chu a ko zui a. Chun, Saula chu a nghakîr chun, David chun a hmaia hnuoi sikin chibai a bûk a.

1 SAMUEL 24:8 ပူးပေါင်းရင်းမြစ်များ

INṬANNA 17:3

Chun, Abram chu a bawkkhup tah a; chun, Pathienin ama chu a biek a,

1 LALHAI 1:31

Chuongchun, Bathseba chu a hmaia hnuoi sikin a bawkkhup a, lal chu chibai a bûk a, “Ka pu lal David hi kumkhawtluongin dam zing raw se,” a ta.

FESUOKNA 20:12

I nu le pa chawimawi rawh: LALPA i Pathienin a pêk che ram- a hin i nihai chu a sâwt theina ding- in.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:7

Mi po po kuomah pêk ding taphawt chu pe ro; leiman pêkna ding kuoma chun leiman pe unla, sie chawina ding kuoma chun sie chawi unla, ṭi ding chu ṭi unla, inza ding chu inza ro.

1 PETER 2:17

Mi po po chawimawi ro. Unau- hai chu hmangai ro, Pathien ṭidêk ro. Laltak chu chawimawi ro.

1 SAMUEL 20:41

Chun, naupang chu a fe phingle chun David chu a umna hmun sim- tieng panga inthawk chun a hung tho a, hmaia hnuoi sikin chibai vawi thum a bûk a, chun, an infâwp a, an ṭap rêl a. David ruok chu a zuol bîk a.

1 SAMUEL 24:7

Chuongchun, David chun chuong thuhai chun a mihai chu a khap a, Saula thaw dinga an suok chu a phal ta nawh a. Chun, Saula chu pûka inthawk chun a suok a, a fe tah a.

1 SAMUEL 24:9

Chun, David chun Saula kuomah, “Ngai ta, ‘David hin i sietna ding a zawng a nih,’ tiha mihaiin i kuoma an hril chu iengdinga i awi hlak am a na?

1 SAMUEL 26:17

Chun, Saula chun David râwl chu a hei hriet a, “Chu i râwl a ni maw ka naupa David,?” a hei tih a. David chun, “Aw lalpa, ka pu, ka râwl a ni chu,” a ta.

1 SAMUEL 28:14

Chun, a kuomah, “Ieng ang am a na?” a ta. Ama chun, “Tarsie hi a hung suok a, zakawfuol a hâk,” a ta. Chun, Saula chun Samuel a nih ti a hriet a, a hmaia hnuoi sikin chibai a bûk a.