1 SAMUEL 24:16 - Pathien Lekhabu Inthieng (BSI)

¹⁶ Chun, Davidin Saula kuoma hieng thu hi a hril zo chun Saula chun, “Hi hi i râwl a ni maw, ka naupa David?” a ta. Chun, Saula chu râwl insuo meuin a ṭap tah a.

1 SAMUEL 24:16 ပူးပေါင်းရင်းမြစ်များ

INṬANNA 16:5

Chun, Sarai chun Abram kuomah, “Ka thil tuor hi nangin a maw phur rawh: ka suoknu chu i pawm dingin ka pêk cheh a; chun ân rai ti ân hriet phingleh a mi hmusit el tah a; LALPA chun kei le nanga thu hi ngaituo raw se,” a tih a.

INṬANNA 2:2

Chun, Pathienin ni sari nia chun a thilsiem chu a thaw zo a; ni sari nia chun a thilsiem po po chu a châwlsan tah a.

INṬANNA 33:4

Chun, Esau chu ama lâwm dingin a tlân a, a kuoh a, a ir a suktuoh a, a fâwp a; chun, an ṭap ve ve tah a.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung tah a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si cheh a,” a ta. Chun, David chun anni chu a lâwmlût tah a, sipai pâwl hotuhaiah a siem tâwl tah a.

JOB LEKHABU (THE BOOK OF JOB) 6:25

Felna thuhai chu a va hrât ngei de! Amiruokchu, in sêlkalnahai chun ieng am a sukfie a?

INPÂKNA HLABU 119:154

Ka thu mi hrilpuiin mîn tlan la, I thu ang peiin mi sukhar rawh.

THUVARHAI 15:1

Dawnna innêm chun lungin- senna a hnawt hmang a, Ṭawng theidaum ruok chun lunginsenna a chawktho.

THUVARHAI 25:11

A huntaka thu hril chu Tangkaraw leikhawrhaia rângkachak apple theirahai ang chu a nih.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni sih a.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei nawh a.

RORELTUHAI 11:27

Chuleiin, i chunga hin thil ieng- khawm ka suksuol nawh, nangma lem hin mi hung thaw i tum lei hin ka chungah thil i suksuol a nih; LALPA rorêltu chun tuhin Israel mihai le Ammon mihai kâra thu chu ngaituo raw se,’ a tih,” tiin.

1 SAMUEL 26:17

Chun, Saula chun David râwl chu a hei hriet a, “Chu i râwl a ni maw ka naupa David,?” a hei tih a. David chun, “Aw lalpa, ka pu, ka râwl a ni chu,” a ta.

1 SAMUEL 26:24

Ngai ta, vawisûna i hringna ka ngaihlutpêk che ang bawk hin LALPA chun ka hringna hi mi ngaihlupêk sienla, lunginzîngna po poa inthawk hin mi sansuok raw se,” a ta.