1 SAMUEL 24:12 - Pathien Lekhabu Inthieng (BSI)

¹² LALPA chun nang le keia chungthu hi rêl raw se; chun, LALPA chun i chungah phuba mi lapêk raw se; nisienlakhawm, kei chun chu i chungah kut thlâk naw hrim hrim ka tih.

1 SAMUEL 24:12 ပူးပေါင်းရင်းမြစ်များ

INṬANNA 16:5

Chun, Sarai chun Abram kuomah, “Ka thil tuor hi nangin a maw phur rawh: ka suoknu chu i pawm dingin ka pêk cheh a; chun ân rai ti ân hriet phingleh a mi hmusit el tah a; LALPA chun kei le nanga thu hi ngaituo raw se,” a tih a.

INṬANNA 31:53

Abraham Pathien, Nahor Pathien, an pa Pathien chun ei kâra thu ngaituo raw se,” a ti nâwk a. Chun Jakob chun a pa Isak Iṭi chu sâlin ṭawng ân khâm tah a:

2 SAMUEL 22:48

Phuba mi lapêktu le, Hnam tin ka hnuoia tukdawltu Pathien ngei chu.

1 CHANCHIN SUINA 12:18

Chun, sâwmthum laia a hotu tak Amasai kuoma chun thlarau chu a hung tlung tah a, ama chun, “David, nangma ta kan na, nangma tienga ṭhang kan nih, nang Jesai naupa; inremna, nanga kuoma chun inremna um sienla, nangma ṭhangpuituhai che kuoma khawm inremna chu um raw se; i Pathien chun a ṭhangpui si cheh a,” a ta. Chun, David chun anni chu a lâwmlût tah a, sipai pâwl hotuhaiah a siem tâwl tah a.

JOB LEKHABU (THE BOOK OF JOB) 5:8

“Ka chungthua chun Pathien tieng zawng ka ta, Pathien kuomah ka chungthu chu inkawltir ka tih.

INPÂKNA HLABU 35:1

Aw LALPA, a mi thawtuhai chu nangin thaw la, A mi dotuhai chu nangin do rawh.

INPÂKNA HLABU 43:1

Aw Pathien ro mi rêlpêk la, Pathien ngaisak naw hnam chunga hin ka thu mi hrilpêk rawh; Aw, mi hlêmhmang mi indik nawa inthawk hin mi sanhim rawh.

INPÂKNA HLABU 94:1

Aw LALPA, nang phuba- lâkna thu neitu Pathien, Nang phubalâkna thuneitu Pathien, hung var suok rawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro, “phuba hrim hrim keia lâk ding a nih, keiin thung ka tih, Lalpain a tih,” ti ziek a ni sih a.

1 PETER 2:23

Mi hala a um laiin a hal ve thung nawh a, a tuor laiin a vau nawh a, feltaka ngaituo hlaktu kuoma chun ân pêk lem a nih.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl loa hnuoia umhai chunga kan thisen insuona phuba chu la loa i um ding?” tiin an khêk a.

RORELTUHAI 11:27

Chuleiin, i chunga hin thil ieng- khawm ka suksuol nawh, nangma lem hin mi hung thaw i tum lei hin ka chungah thil i suksuol a nih; LALPA rorêltu chun tuhin Israel mihai le Ammon mihai kâra thu chu ngaituo raw se,’ a tih,” tiin.

1 SAMUEL 20:1

Chun, David chu Rama khuoa Naiotha inthawk chu a tlân a, Jonathan kuoma chun a feh a, “Ieng am ka thaw leh? Ieng am ka bawsiet a? i pa chunga hin ieng am ka suksuol a hienga mi that tum a na?” a ta.

1 SAMUEL 24:15

Chuleiin, LALPA chu rorêltu ni sienla, nang le keia chungthu hi sukthlu sienla, mi ngaituopêkin mi hrilpui sien la, i kuta inthawk hin mi sansuok raw se,” a ta.

1 SAMUEL 26:23

Chun, LALPA chun mi tin an fel man le an ringumna man a pêk ding a na, vawisûn hin LALPA chun nang hi ka kutah a pêk che deh a chu LALPA hrieknâl chungah ka kut kân let nuom naw a nih.