1 SAMUEL 23:17 - Pathien Lekhabu Inthieng (BSI)

¹⁷ Chun, a kuomah, “Ṭi dêr naw rawh, ka pa Saula kut chun zawng suok naw ni che; Israelhai lalah um i ta, kei nanga dawt nîng ka tih, chu khawm chu ka pa Saula hin a hriet zing a nih,” a ta. Chun, an pahni chun LALPA hmaa thu an thlung a;

1 SAMUEL 23:17 ပူးပေါင်းရင်းမြစ်များ

INPÂKNA HLABU 118:6

LALPA chu keia tienga ṭhang a nih, ṭi naw ning: Mihriemin ieng am mi law thei an ta?

THUVARHAI 14:26

LALPA ṭinaa hin ringna nghettak a um a, A thlahai chun inhumhimna hmun nei an tih.

THUVARHAI 19:21

Mihriem lungrila chun remruotna tamtak a um a, Amiruokchu, LALPA thurâwn chau chu ngîrsuok a tih.

ISAI 35:3

Kut hrâtnawhai chu sukhrât unla, khûp zawihai chu sukdet ro;

ISAI 35:4

Lungril dâwihai kuoma chun, “Hrâttakin um unla, ṭi naw ro, ngai ta u, in Pathien chu phubalâkna leh hung a tih, Pathien thungna le chun; hung a ta, sandam a ti cheu,” ti ro.

ISAI 41:10

ṭi naw ro, kei in kuomah ka um sih a; lunginzîng naw ro, kei in Pathien ka ni sih a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, LALPAIN a tih, nangni intlan- tu cheu chu Israelhai Mi Inthieng chu a nih.

ISAI 54:17

Nangma thawna dinga hriem sut hrim hrim ṭhahnem naw nih a, lei tinrêng thupawia nangma hung khing- tuhai che chu thiemnaw inchangtir i tih. Chu chu LALPA siehlawhai ro- chan chu a na, an felna chu ka kuoma inthawk a nih, LALPAIN a tih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

THILTHAWHAI 28:16

Chun, Roma kan lût chun, Paula chu a vêngtu sipai kuomah a khât chaua um an phal a.

THILTHAWHAI 5:39

amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:24

Spain rama ka fe phaleh ka fe malama hmu cheu ka beisei sih a, nangni pâwl khawp deu zet lang cheu, chu tienga ka zu fenaa khawm chun nangni rawiin in mi zûn thla ka beisei bawk a nih.

HEBRAIHAI 13:6

Chuongchun, huoitakin; “Lalpa chu a mi ṭhangpuitu a nih, Ṭi naw ning; Mihriemin ieng am mi law thei an ta?” ei ti hlak a nih.

1 SAMUEL 20:31

Jesai naupa hi, hi hnuoia a um sûng phawt chun sukdet ni naw ti nih a, i ram khawm. Chuleiin, inkotir nghâl la, ka kuomah hung inṭhuoitir rawh, a thi ngei ding a nih,” a ta.

1 SAMUEL 22:23

Nang chu ka kuomah um la ṭi naw rawh; kei mi that tum chun nang khawm that tum ngei an ti che; ka kuoma i um ruok chun chu him i tih,” a ta.

1 SAMUEL 24:19

Miin a hmêlma hmu ang sienla, tlangtakin ân suo nuom ding am a nih? Chuleiin, vawisûna ka chunga i thilthawa hin LALPAIN thil ṭhain thung raw se che.

1 SAMUEL 24:20

Ngai ta, lal i la ni ngei ding a na, Israel ram chu i kutah sukdetin a um ding a ni ti ka hriet tah.

1 SAMUEL 24:21

Chuleiin, keia hnunga ka thla- hai la hung um dinghai chu sukbo- hmang naw ding le, ka pa sûngkuo laia inthawka ka hming sukbo lo dingin LALPA hmingin ka kuomah ṭawng inkhâm raw khai,” a ta.

1 SAMUEL 24:4

Chun, David mihai chun a kuom- ah, “Ngai ta, LALPAIN i kuomah, ‘Ngai ta, i hmêlma chu i kutah pêng ka ta, a chungah ṭha i ti ang angin thaw rawh,’ a ti ni kha a ni ta hi,” an ta. Chuongchun, David chu a tho a, inrûkin Saula puon hmawr chu a va ât thlâk a.

1 SAMUEL 25:30

Chun, LALPAIN i chungchâng thua thil ṭha tiem ang po ka pu chunga hin a thaw phaa Israelhai lala a siem pha che chun,