1 SAMUEL 22:3 - Pathien Lekhabu Inthieng (BSI)

³ Chun, David chu chutaka inthawk chun Moab rama Mizpe-ah a feh a, Moab lal kuoma chun, “Pathien thil mi thawpêk ding ka hriet hmakhat chu ka nu le ka pa hung hai sien, i kuomah lo um raw hai se, ka hni che a nih,” a ta.

1 SAMUEL 22:3 ပူးပေါင်းရင်းမြစ်များ

INṬANNA 47:11

Chun, Josef chun a pa le a unauhai chu umhmun ân khuortir a, Pharao thupêk angin, Aigupta rama ram ṭhatak laia Rameses rama chun ro dingin ram a pêk a.

2 SAMUEL 8:2

Chun, Moab mihai a thaw nâwk a, a hnuoiah ân zâltir a, inkhina hruiin ân khih a; tlar hni chu suk- hlum dingin ân khih a, tlar khat chu a tluona hring dingin ân khih a. Chuongchun, Moab mihai chu David siehlawhai an hung ni tah a, thil- pêkhai dâm an hung pêk hlak a.

FESUOKNA 20:12

I nu le pa chawimawi rawh: LALPA i Pathienin a pêk che ram- a hin i nihai chu a sâwt theina ding- in.

1 TIMOTHE 5:4

Nisienlakhawm, hmeithai tû- khawmin nauhai amanih, tuhai amanih nei sienla, chuonghai chun anni insûng tienga Pathien ngaisaka um dân le, anni keitleituhai chunga ṭhatzie inchûk zet raw hai se; chu chu Pathien lâwm zâwng a ni sih a.

RORELTUHAI 11:29

Chuongchun, LALPA thlarau chu Jepthah chungah a hung tlung a, Gilead le Manasse ram a fe thleng a, Gilead rama Mizpa a fe thleng a, chun, Gilead rama Mizpaa inthawk chun Ammon mihai kuomah a fe pei a.

RUTH 4:10

Chu chau chu ni loin, mithi chu a hming a um zingna dinga rohluotu siempêk dingin le, mithi chu a unau- haia le a umna kul kawtkhâra a hming a bo nawna dingin, Moab nuhmei Ruth, Mahlon nuhmei chu ka nuhmei dingin kân châwk a, vawisûn hin chu hrepuituhai chu nangni hi in nih,” a tih a.

RUTH 4:17

Chun, a tuolbâwm nuhmei- hai chun, nau hming chu an hung sak a, “Naomiin naupasal a nei tah,” tiin a hmingah Obed an sak a; ama chu, David pa Jesai a pa a hung nih.

1 SAMUEL 14:47

Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon thla- hai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.

1 SAMUEL 22:2

Chun, mi lunginzing taphawthai, leibat nei taphawthai, lungninawna nei taphawthai chu a kuomah an fe khâwm a; chuongchun, an hotuah a um tah a, chun a kuoma chun mi za li lai an um tah a.

1 SAMUEL 22:4

Chun, Moab lal hmaa chun anni chu a hung ṭhuoi a, kulbînga a um sûng po chun a kuoma chun an um tah a.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei nawh a. Chun, ama chun, “LALPA a nih annâwm, ṭha a ti ang peiin thaw raw se,” a ta.