1 SAMUEL 22:14 - Pathien Lekhabu Inthieng (BSI)

¹⁴ Chuongchun, Ahimelek chun lal chu a dawn a, “Lal mâkpa, i mi rawntak hlak, in sûngkuo laia mi inzaum David ang hrim hrima mi ringum hi i siehlaw po pohai lai hin tu am a um a?

1 SAMUEL 22:14 ပူးပေါင်းရင်းမြစ်များ

1 SAMUEL 17:25

Chun, Israel mihai chun, “Kha mihriem a hung suokpa kha in hmu am? Israel mihai cho dinga hung suok a ni ngei el; tukhawm ama sukhlum taphawt chu lalin ama chu sum tiengin sukhausâng a ta; chun, a nau- nu pêng a ta, chun, a pa sûngkuohai chu Israelhai lai hin zalênin inumtir a tih,” an ta.

1 SAMUEL 18:13

Chuleiin, Saula chun a kuoma inthawkin ân sawntir a, sâng chunga sipai hotuah a siem a, chun, mipuihai lai chun a lûtin a suok hlak.

1 SAMUEL 18:27

David le a mihai chu an tho a, Philistin mi za hni an va that a: David chun an ser vun chu a hung phur a, chuongchun, lal mâkpa a ni theina dingin lal chu kimtakin an pêk a. Chuongchun, Saula chun a naunu Mikal chu nuhmeiah ân neitir tah a.

1 SAMUEL 20:32

Chun, Jonathan chun a pa Saula chu a dawn a, a kuomah, “Ieng- dingin am sukhlum ding nîng a ta? Ieng am a thaw hrim leh?” a ta.

1 SAMUEL 21:2

David chun, thiempu Ahimelek kuoma chun, “Lalin thil thaw dingin thu a mi pêk a, ka kuomah, ‘Ka thil inthawtir tum che le ka thupêk hrim hrim che hi tukhawma hre naw raw se,’ a ti tlat a; chun, tlangvâlhai lo umna ding hmunhai chu ka ruot a.

1 SAMUEL 22:13

Chun, Saulain a kuomah, “Bei le kâwlhnâm dâm lo pe a, LALPA chu rawnpêkin vawisûn nia a thaw anga mi do ding le min chân dinga ieng- dinga nang le Jesai naupa hin in mi phierrûk am a na?” a ta.

1 SAMUEL 24:11

Chu chau khawm chu ni loin, pa, en ta, hi i puon hmawr khawm ka chawi zing hi: i puon hmawr ka ât thlâk thei siha, ka sukhlum nawna chea hin ka kuta hin thil ṭha naw le bawsietna a um nawh ti le, ka hringna lâk tumin mi zawng la khawm, i chunga hin ka suol naw a nih ti hi hre zing ngei ngei raw khai.

1 SAMUEL 25:28

Ka hni che a nih, i siehlawnu suolna hi ngaidam rawh, LALPA chun ka pu hi sûngkuo nghettakah indin ngei ngei a ta, ka pu hi LALPA indonahai do a ni sih a; i dam sûng po po chun nangmaa chun suolna hrim hrim hmu ding um naw nih.

1 SAMUEL 26:23

Chun, LALPA chun mi tin an fel man le an ringumna man a pêk ding a na, vawisûn hin LALPA chun nang hi ka kutah a pêk che deh a chu LALPA hrieknâl chungah ka kut kân let nuom naw a nih.