1 SAMUEL 20:30 - Pathien Lekhabu Inthieng (BSI)

³⁰ Chuongchun, Jonathan chung- ah Saula lung chu a sen ta thut el a, “Nang nuhmei lepchie le kâwmaw naupa, Jesai naupa chu i muolphona dingin le i nu saruokna sukmuol- phona dingin i thlang ti ka hriet naw am a nih?

1 SAMUEL 20:30 ပူးပေါင်းရင်းမြစ်များ

JOB LEKHABU (THE BOOK OF JOB) 5:2

Lunginsenna chun mi invêt chu a sukhlumin, Îtthîkna chun mi intlâw chu a that hlak sih a.

THUVARHAI 14:29

Mi lunginsen intaktak chu hrietthiemna nasatak nei a nih, Lungril ṭuonrang ruok chun invêtna chu a chawimawi a nih.

THUVARHAI 15:2

Mi var lei chun hrietna indik a hril suok hlak a, Mi invêt bau ruok chun invêtna a bun suok hlak.

THUVARHAI 19:12

Lal lunginsenna chu sakeibak- nei inrûm ri ang a na, A ditsakna ruok chu hlohna chunga daidaw ang a nih.

THUVARHAI 19:19

Mi lunginsen êm êm mi chun hremna chu tuor a ta, Ama chu i sansuok chun, i sansuok nâwk pei a ṭûl ding a ni sih a.

THUVARHAI 21:24

Mi chapo le mi uong chu a hming chu Hmusittu a na, Inphûloin chaponaah sin a thawh a.

THUVARHAI 25:28

Mi a lungril vêng ṭhatna neilo chu, Khawpui chim tahnung, kul bang khawm nei lo ang chu a nih.

THUVARHAI 27:3

Lung chu a rik a, phaiphin chu a khîn a; Amiruokchu, mi invêt lungin- senna chu a ieng lem lem nêk khawm chun a rik lem.

MATTHAI 5:22

kei ruok chun, tukhawm a unau chunga lunginsen taphawt chu rorêlna hmabâk zingin um a tih; chun tukhawm a unau kuoma, ‘Hmang- nabopa’ ti taphawt chu rorêlna hma- bâk zingin um a tih; chun tukhawm, ‘Invêtpa’ ti taphawt chu Hremhmun meia pei hmabâk zingin um a tih ti ka hril cheu hi.

EPHESI 4:31

Khâkna dâm, lunginsenna dâm, inngâwkna dâm, hrângna dâm, hrilsietna dâm po po bânsanin um raw se, suolna po po leh.

EPHESI 6:4

Chun, nangni pahai, in nauhai suklungsen naw unla, Lalpa thunun- na le kâwknaa chun enkawl lem ro.

1 SAMUEL 20:29

‘Mîn fetir hrâm rawh khai, kan sûngkuo chun khuoa chun inthâwina an nei ding a na, ka unaupa chun um ve dingin a mîn cha tlat a; chuong- chun, i mi lunginsiet thei chun mîn fetir la, ka unauhai va sir ka tih,’ a ta. Chu lei chun lal dawkâna chun a hung naw a nih,” a ta.

1 SAMUEL 20:31

Jesai naupa hi, hi hnuoia a um sûng phawt chun sukdet ni naw ti nih a, i ram khawm. Chuleiin, inkotir nghâl la, ka kuomah hung inṭhuoitir rawh, a thi ngei ding a nih,” a ta.