1 SAMUEL 20:2 - Pathien Lekhabu Inthieng (BSI)

² Chun, ama chun, “That lo e a, thi naw tawp i tih, ngai ta, ka pa hin mîn hriettir loin, iengkhawm, lien sien chîn sien, a thaw ngai nawh a, ieng- dingin am hieng thu hi ka kuomah ip hlak a ta? ip naw tawp a tih,” a ta.

1 SAMUEL 20:2 ပူးပေါင်းရင်းမြစ်များ

INṬANNA 44:7

Anni chun a kuomah, “Pu, iengtizie am a na hieng ang thu i hril hi? I siehlawhai hin chuong ang thil kan thaw naw dingzie chu.

INPÂKNA HLABU 40:6

Inthâwina le thilinhlân chunga hin lâwmna hrim i nei nawh a: Ka nahai hi i mi sukvarpêk tah a; Pumrawhmanga thilinhlân le suol ta dinga thilinhlân chu i phût nawh.

THUVARHAI 29:24

Rûkru inṭâwmpuina neitu chun ama lungril ngei khawm a theida hlak a, Ṭawngsie inphurna ri chu a hriet hlak a chu iengkhawm a sâksuok ngai nawh.

ISAI 50:5

Lalpa PATHIEN chun ka na a mi sukhawngpêk a, kei chu ka hel nawh a, ka ngha kîr bawk nawh.

LUKA 20:16

Lo enkawltuhai chu hung sukbohmang a ta, huon chu mi danghai pêng a tih,” a ta. Chun, chu chu an hrietin, “Chuong êm chu tlung naw raw se!” an ta.

JOHAN 15:15

Suok ti nâwk ta naw ning cheu; a pu thilthaw suok chun a hriet si nawh; ruolhai ka ti ta lem cheu a nih. Pa kuoma inthawka thil ka hriet po po in kuomah ka puong ta sih a.

JOHAN 17:8

Nangin thu i mi pêkhai kha an kuoma ka pêk ta sih a; chuong chu an vawn a, i kuoma inthawka suok ka nih ti indiktakin an hriet tah, nangin i mi tir ti khawm an awi tah.

JOSUA 22:29

LALPA chunga chu helin vawi- sûn hin LALPA nghatsana, LALPA ei Pathien a biekbûk bula mâichâm ngawt naw hi pumrawhmang thilinhlânna- in amanih, fâk mi thilinhlânna ding- in amanih, inthâwina amaniha mâi- châm siem kan ni nawzie chu,” an ta.

JOSUA 24:16

Chun, mipuihai chun, “LALPA Pathien chu mâksanin pathien dang- hai rawng chu kan bâwl naw dingzie chu;

1 SAMUEL 14:45

Chun, mipuihai chun Saula kuoma chun, “Israelhai laia hi san- damna ropuitak thawtu Jonathan hi a thi el ding maw? Teu lo e, LALPA hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thaw- pui a ni sih a,” an ta. Chuongchun, mipui chun Jonathan chu thi lo dingin an sanhim tah a.

1 SAMUEL 20:1

Chun, David chu Rama khuoa Naiotha inthawk chu a tlân a, Jonathan kuoma chun a feh a, “Ieng am ka thaw leh? Ieng am ka bawsiet a? i pa chunga hin ieng am ka suksuol a hienga mi that tum a na?” a ta.

1 SAMUEL 20:12

Chun, Jonathan chun David kuomah, “LALPA Israelhai Pathien chu hretu ni raw se, zîngah hieng tik pha hin amanih, ni thum nia manih, ka pa ka hung dâwp pha, ngai ta, David chungchâng thu hi ṭha tieng a ni chun mi hung tirin ka hril el naw ding che?

1 SAMUEL 20:3

Chun, David chun, “I pa chun i mi lunginsiet dân hi a hriet chieng hle el sih a. ‘Jonathan chun hi hi chu hre kher da raw se, chuong naw chun, a lungngai âwm êm el,’ a ti nîng a tih. Amiruokchu, LALPA hringna le i hringna sâlin ka hril a nih, thina le kan inkâr chu pên khat chau a nih,” tiin a hril uor nâwk a.

1 SAMUEL 9:15

Chun, Saula hung hma ni khata chun LALPA chun Samuel chu a lo hril rûk a,