1 SAMUEL 2:27 - Pathien Lekhabu Inthieng (BSI)

²⁷ Chun, Eli kuoma chun Pathien mi pakhat a hung a, a kuomah, “LALPA chun hieng ang hin a tih, ‘Aigupta rama Pharao suoka an um lai khan in thlatu kuoma khan kân lâr a ni naw am a nih?

1 SAMUEL 2:27 ပူးပေါင်းရင်းမြစ်များ

1 LALHAI 13:1

Chun, ngai ta, Judai rama inthawkin Pathien mi, LALPA thuin Bethelah a hang feh a, chun, Jeroboam chu riminhnik raw dingin maichâm bula chun a lo ngîr a.

1 LALHAI 2:27

Chuongchun, Solomon chun Abiathar chu LALPA thiempu a nina chu a bân tah a; LALPAIN Silo khuoa Eli sûnghai chungchâng thu a hril kha ân tlungtir theina dingin.

FESUOKNA 12:1

Aigupta rama chun LALPAIN Mosie le Aron kuoma chun a hril a,

FESUOKNA 12:43

LALPA chun Mosie le Aron kuomah, “Fekân Ruoi dân ding chu hi hi a nih: ram dang mi chun a fâk ve ding a ni nawh:

FESUOKNA 4:27

LALPA chun Aron kuomah, “Thlalêrah Mosie tuok dingin fe rawh,” a tih a. Chuongchun, a feh a, Pathien tlânga chun a vân tuokpui a, ama chu a fâwp tah a.

DÂN PAHNINA 33:1

Hi malsâwmna hin a nih Pathien mi Mosie chun a thi hmaa Israel thlahai mal a sâwm chu:

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, daw- theina dâm, thuhnuoirawlna dâm hnawt pei rawh.

2 PETER 1:21

Thu hrillâwk hrim hrim hi mihriem thua suok a ni ngai si nawh a, mihaiin Thlarau Inthieng tirin, Pathien kuoma inthawkin an hril lem hlak a nih.

RORELTUHAI 13:6

Chun, nuhmei chun a pasal kuomah, “Pathien mi mi pakhat ka kuomah a hung a, a hmêl chu vântirko hmêl ang ṭiumtak a nih, khâwtienga mi am a ni kân dawn ta chuong nawh a, ama chun a hming hlak a mi hril naw bawk a;

RORELTUHAI 6:8

LALPA chun Israel thlahai laia chun zâwlnei a hung tir a, ama chun an kuomah, “LALPA Israelhai Pathien chun hieng hin a ti a nih, ‘Aiguptaa inthawk khan ka hung ṭhuoi tung cheu a, suok nina ina inthawk ka ṭhuoi suok cheu a;

1 SAMUEL 3:12

Chu ni chun a sûngkuo chung- châng thu ka hril po po chu a bula inthawka a tâwp chenin Eli chunga hin ka thaw ding a nih.

1 SAMUEL 9:4

Chuongchun, Ephraim tlâng ram dâm chu a fang a, chun Salisa ram dâm khawm chu a fang a, nisien- lakhawm, a hmu nawh a; chun, Saalim ram an fang nâwk a, chutaka khawm chun an um nawh a; chun, Benjamin mihai ram an fang nâwk a, nisienlakhawm, an hmu chuong ta nawh a.

1 SAMUEL 9:6

Ama chun a kuomah, “Ngai ta, hi khuoa hin Pathien mi a um a, mi inzaumtak a na, a hril taphawt chu a hung tlung ngei ngei hlak a nih, hung rawh, chutaka chun va fêng ei tih, ei fena dâm hi a mi hril thei miel rawi mawh,” a ta.