1 SAMUEL 2:25 - Pathien Lekhabu Inthieng (BSI)

²⁵ Mi pakhat mi dang chunga a suol chu Pathienin rorêlpêk a ta, amiruokchu mi, LALPA chungah a suol ruok chun tuin am ngênpui tâng a ta?” a ta. Chuong sa khawm chun an pa râwl chu an ngai nuom nawh a, LALPA chun anni chu a sukhlum ngei ding a ni sih a.

1 SAMUEL 2:25 ပူးပေါင်းရင်းမြစ်များ

INṬANNA 38:10

A thilthaw chu LALPA mithmua chun suoltak a nih; chuleiin, ama khawm chu a sukhlum tah a.

INṬANNA 38:7

Nisienlakhawm, Juda nau lutîr Er chu LALPA mithmuah mi suol a nih a, LALPAIN ama chu a sukhlum tah a.

1 LALHAI 8:31

“Mi tukhawma a vênghai chunga thil suksuolin, ṭawng in- khâmtir hiel lo ṭûl sienla, hi ina i maichâm hmaa hin hung inkhâm sienla;

1 LALHAI 8:32

nangin vâna inthawkin lo ngai la, châng la, mi suol chu ama lu chunga ngei a um dân innghata thiemnaw inchangtirin, mi fel chu a felna ang anga inhlawtir a, thiem inchangtirin i siehlawhai hi ro rêlpêk rawh.

2 CHANCHIN SUINA 10:15

Chuongchun, lal chun mipuihai thu chu a ngai nawh a; Silon mi Ahija hmanga Nebat naupa Jeroboam kuoma a thu lo hril tah, a thu chu LALPAIN ân tlungtir theina ding- in, Pathienin a hung intlungtir a ni sih a.

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa nawh a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to tah a.

JOB LEKHABU (THE BOOK OF JOB) 9:33

Kan inkârah ṭheltu tukhawm an um nawh a: Kan chunga kut innghat ve ve theitu ding chu.

INPÂKNA HLABU 51:16

Inthawina chungah lâwmna i nei si nawh a; chuong ni naw sien chu pêng ka tih; Pumrawhmanga thilinhlân chungah lungawina hrim i nei nawh.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw tah a: Thu i hrilin thiem în changtir thei a, Ro i rêlin demkailo i ni theina dingin.

THUVARHAI 13:1

Naupa var chun a pa inchûktirna chu a ngai a, Hmusittu ruok chun kâwkna chu a ngai nawh.

THUVARHAI 15:10

Lampui mâksantu ta ding chun sukdikna lungngaiumtak a um hlak, Kâwkna theidatu chu thi ngei a tih.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

THUHRILTU 3:3

Sukhlum hun le sukdam hun a um a, Ṭhiek hun le bâwl hun a um a;

NAMBAR 15:30

Amiruokchu, ân dittâwk leia thaw a ni ruok chun, chu rama pieng amanih, hnam dang amanih khawm ni sienla, LALPA hrilsie a nih; ama chu a chipuihai laia inthawk sât thlâk ding a nih.

DÂN PAHNINA 1:17

Rorêlnaah thlierbîk in nei ding a ni nawh; mi chîn le mi lien inang zingin in ngaipêk ding a nih; tu- khawm in ṭi ding a ni nawh; rorêlna chu Pathien ta a ni sih a; in ta dinga thu khir taluo chu ka kuomah hung intlun hlak in ta, chu chu lo ngaituo hlak ka tih,’ tiin thu ka pêk a.

DÂN PAHNINA 2:30

Nisienlakhawm, Hesbon lal Sihon chun a rama chun a mîn fe thlengtir phal nawh a; LALPA in Pathien chun vawisûna anga in kuta a pêk theina ding cheuin a lungril a sukngarpêk a, a suklulul a nih.

1 TIMOTHE 2:5

Pathien le mihriem inkârah Palai pakhat chau a um bawk a; ama chu mihriem, Krista Isu,

HEBRAIHAI 10:26

Thutak hrietna famkim chu ei chang hnunga thil ei suksuol ṭâl chun, suolhai dingin inthâwina um ta dêr naw ni a,

HEBRAIHAI 10:27

rorêlna ṭi lâwkna râpthlâktak ieng amani leh dotuhai kâng hmang dinga lungsenna mei chu um lem tâng a tih.

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

JOSUA 11:20

LALPAIN Mosie thu a pêk ang anga sukchimit vawng a, ditsakna nei dêr loa a sukbohmang theina dinga an lungril sukngarpêka Israel- hai indotir hlaktu chu LALPA chu a ni sih a.

1 SAMUEL 3:14

Chuleiin, Eli sûngkuo kuoma chun Eli sûnghai bawsietna chu in- thâwinain amanih, thilinhlânin ama- nih iengtika khawm sukkieng thei ni naw nih, tiin ṭawng kân khâm tah a nih,” a ta.