1 SAMUEL 2:17 - Pathien Lekhabu Inthieng (BSI)

¹⁷ Chuongchun, tlangvâlhai suol- na chu LALPA mithmuah a lo nasa ta êm êm el a, mihai chun LALPA kuoma inthâwina inhlânhai chu an ngainêp pha ta sih a.

1 SAMUEL 2:17 ပူးပေါင်းရင်းမြစ်များ

INṬANNA 10:9

LALPA hmaha ramsuok mi hrâttak a nih; chulei chun a nih, “LALPA hmaha ramsuok mi hrâttak Nimrod ang a nih,” an ti hlak chu.

INṬANNA 13:13

Chun, Sodom mihai chu Pathien mithmuin nasataka ṭha naw le suolin an um a.

INṬANNA 6:11

Chun, hnuoi hi Pathien mit- hmuin a se zo tah a, hnuoi hi inpâwngnêknain a sip zo ta bawk a.

2 LALHAI 21:6

Chun, a naupa chu meiah ân lûttir a, aisân dâm a chîng a, dawi dâm a hmang a, khawhri aisân thiem zâwlhai le dawithiemhai a ruoi hlak a; LALPA mithmuah thil ṭha naw- tak ama suklungsen dingin a thaw hlak a.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw tah a: Thu i hrilin thiem în changtir thei a, Ro i rêlin demkailo i ni theina dingin.

ISAI 3:8

A ropuina mit chu suknuor dinga an ṭawng le an thilthawhai chu LALPA do tieng a ni leiin Jerusalem chu a se zo a, Judahai chu an tlu zo tah a nih.

MALAKI 2:13

Chun, hi khawm hi in thaw nâwk bawk a, LALPA mâichâm chu mitthli le, ṭapna le, thuokdawngnain in inkhum a, chuong lei chun thil inhlân chu a ngaisak ta nawin, in kuta inthawkin ṭhain a pawm ta naw hrim hrim a nih.

MATTHAI 18:7

“Tlûknahai leiin khawvêl chung a rik de! tlûknahai chu hung um ding chu a nih; nisienlakhawm, tlûkna inumtirtu chung chu a rik!

1 SAMUEL 2:16

Chun, ama chun a kuomah, “A thâu chu raw phawt el sienla; chun, chu zova chun i hringnain a dit zât zât i lâk ding annâwm,” a lo ti chun, “Ni lo, i mi pêk naw chun la lui hrim hrim ka tih,” a ti hlak a.

1 SAMUEL 3:13

A nauhaiin Pathien an hrilsiet- na suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta sih a.