1 SAMUEL 2:16 - Pathien Lekhabu Inthieng (BSI)

¹⁶ Chun, ama chun a kuomah, “A thâu chu raw phawt el sienla; chun, chu zova chun i hringnain a dit zât zât i lâk ding annâwm,” a lo ti chun, “Ni lo, i mi pêk naw chun la lui hrim hrim ka tih,” a ti hlak a.

1 SAMUEL 2:16 ပူးပေါင်းရင်းမြစ်များ

NEHEMIA 5:15

Nisienlakhawm, kha hmaa ram awptu ka hmaa lo umhai chu mihai chungah lu an lo ling hleh a, tangka shekel sâwmli tiem loin an beihai le uoinhai an lâkpêk hlak a; a chu nâksapah an siehlawhai chu mihai chunga chun an insuklal hle hlak a; amiruokchu, kei chun chu Pathien ṭina leiin chuong ang chun ka thaw ve nawh.

LEVI DÂN 3:16

Chun, thiempu chun chuonghai chu, riminhnik dingin, mei hmanga thilinhlânin mâichâma chun a raw ding a nih. A thâu po po chu LALPA chanpuol a nih.

MIKA 3:5

Ka mihai insuksuoltirtu, sawi nei pumin, “Muongna,” tia khêk a, an baua inba naw taphawt do buotsai hieltu zâwlneihai chungchâng thu chu LALPAIN hieng ang hin a tih:

RORELTUHAI 18:25

Dan thlahai chun a kuomah, “Keini lai hin ṭawng mei mei naw ta khai, chuong naw chun chu mi lunginrawm kut tuor rawi i tih; nang le i sûnghai hringna chân el rawi in tih,” an tih a.

1 SAMUEL 2:15

Anih, a thâu chu an raw hma chun thiempu siehlaw chu a hung a, ân thâwitu kuoma chun, “Thiempu ta dinga emhmin ding sa mi pe rawh, i sa suong chu a du nawh a, a sel a dit a nih,” a ti hlak a.

1 SAMUEL 2:17

Chuongchun, tlangvâlhai suol- na chu LALPA mithmuah a lo nasa ta êm êm el a, mihai chun LALPA kuoma inthâwina inhlânhai chu an ngainêp pha ta sih a.