1 SAMUEL 2:12 - Pathien Lekhabu Inthieng (BSI)

¹² Eli naupasalhai chu Belial nauhai an na, LALPA chu an hriet nawh a.

1 SAMUEL 2:12 ပူးပေါင်းရင်းမြစ်များ

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa in- thawk chun an ṭhuoi suok a, lungin an dêng a, a thi tah a.

JEREMIA 2:8

Thiempuhai khawm chun, “LAL- PA kha khaw lai am a um a?” khawm an ti nawh a; dân hmangtuhai hlak chun an mi hriet bawk nawh: rorêl- tuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 22:16

Mi tlasamhai le mi rimsihai chungthu chu a rêl a, chuongchun, a ṭhah a. Hi hi keima mi hre dingin a ni nâwm a nih? LALPA chun a tih.

JEREMIA 9:3

Thudik nawa dingin an thalngul ang elin an lei chu an thlep a; chu rama chun thahrâttakin an hung inṭhang a, thudika ruok chun ni loin; thil suola inthawkin thil suola vêk chun an pakai a, kei khawm an mi hriet hlawl nawh, LALPA chun a tih.

JEREMIA 9:6

I chêngna hmun chu inhlêmna lailia chun a na; inhlêmna lei chun kei mi hriet khawm chu an nuom naw a nih, LALPA chun a tih.

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran nawh a, chuongchun, mihai khawm chu thil inthieng le thienglo chu hre hran dingin an siem nawh a; ka châwlnia inthawkin an mithai an hup a; anni laia chun sukhmingsiet ka ni tah a nih.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuong- chun, ama ka hriet a, a thu khawm ka zâwm hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi nawh a, lâwmthu khawm an hril bawk si nawh. Teplo mei mei an ngaituo lem tah a, an lungril invêt chu a hung inthim tah a.

2 KORINTH 6:15

Belier le Krista khawmin ieng am inngeina an nei a? Annawleh, awinaw le awitu chun ieng am chan hmunkhat an nei a?

DÂN PAHNINA 13:13

nangni laia mi dukdaklo ṭhen- khat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

DÂN PAHNINA 13:14

ṭhahnemngaitakin indawn vêl unla, zawng suok ro; chun, ngai ta u, thudik a lo nih a, chuong anga thil tirdakum nangni laia thaw a ni hriet chieng a ni chun,

RORELTUHAI 19:22

Chuong anga hlim le lâwmtaka an um lai chun, ngai ta, chu khuoa mi Belial naupasal ṭhenkhathai chun in chu an hung inhuol tah a, kawtkhâr chu an hung suk dawt dawt a, in neitupa, tarpa kuoma chun, “I ina hung tlungpa kha hung ṭhuoi suok rawh, lo pâwl kan tih,” an tih a.

RORELTUHAI 2:10

Chu ṭhanga mihai po po khawm chu an thlatuhai kuomah an fe zo tâwl tah a, chun chuong mihai hnunga chun LALPA le Israelhai ta dinga a thilthawhai khawm hre lo suon dang an hung um tah a.

1 SAMUEL 10:27

Amiruokchu, Belial nauhai tu- haiin amani ruok chun, “Hi mipa hin iengtin am mi sandam thei hlak a ta?” an ta. Chuongchun, ama chu an ngainêp a, thilpêk hrim hrim an pêk nuom nawh a. Nisienlakhawm, ama chu a to zing a.

1 SAMUEL 25:17

Chuleiin, ieng am a na i thaw ding, nguntakin ngaituo ta khai, kan pu sûngkuo le ama chunga hin thil ṭha naw thaw tumna a um a nih; ama hlak hi Belial naupa a ni ringawt el a, tu ibiek thei khawm a ni si nawh a,” a ta.

1 SAMUEL 3:13

A nauhaiin Pathien an hrilsiet- na suol chu hre zing pumin a khap naw leiin a sûngkuo chu kumkhuoa dingin ka ngaituo ding a nih ti ka hril ta sih a.

1 SAMUEL 3:7

Chuong lai chun Samuel chun LALPA a la hriet nawh a, LALPA thu a kuoma phuong a la ni naw bawk a.