1 SAMUEL 19:8 - Pathien Lekhabu Inthieng (BSI)

⁸ Chun, indona a hung um nâwk a, chuongchun, David chu ân thawk suok a, Philistin mihai chu a va thawh a, a va that ṭeu a, a hmaa chun an tlânseh a.

1 SAMUEL 19:8 ပူးပေါင်းရင်းမြစ်များ

1 LALHAI 20:21

Chun, Israel lal chu a va suok a, sakawr le tawlailîrhai chu a va thawh a, Suria mihai chu a va that rak el a.

INPÂKNA HLABU 27:3

Sipai pâwlhai chun mi thaw tumin mi ep zing hai sienla khawm, Ka lungril hin ṭi naw ni; Ka chungah indona hung suok sienla khawm, Chuong ang a khawm chun ring tlat ka tih.

1 SAMUEL 18:14

Chun, David chu a thilthaw taphawtah feltakin a châng hlak a, LALPA chu a kuomah a um a.

1 SAMUEL 18:30

Chuongchun, Philistin mi lien- hai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el tah a.

1 SAMUEL 19:7

Chun, Jonathan chun David chu a ko a, Jonathan chun chuong thil po po chu a hril a. Chun, Jonathan chun David chu Saula kuoma chun a ṭhuoi a, inhma ang bawk khan a kuoma chun a um nâwk tah a.

1 SAMUEL 19:9

Chun, Saula chu a ina fei chawia a ṭhung laiin LALPA tir khawhri a chungah a hung tlung a; chun, David chun ṭingṭang a kei a.

1 SAMUEL 23:5

Chuongchun, David le a mihai chu Keila khuoa chun an zu fe tah a, Philistin mihai chu an zu thawh a, an ranhai chu an lâkpêk a, an that ṭeu a. Chuong ang chun David chun Keila khuoa mihai chu a humhim tah a.