1 SAMUEL 19:5 - Pathien Lekhabu Inthieng (BSI)

⁵ thi dâwn loin Philistin mi kha a thawh a, chun LALPAIN Israel mihai po po sandamna ropuitak a thaw- suokpêk a, chu chu nang khawma i hmuh a, lâwm khawm i lâwm hle kha; chuleiin, a san iengkhawm um loa David chu thatin, ieng dingin am thisen pawi tâwklo chunga chun thil suksuol el i ta?” a ta.

1 SAMUEL 19:5 ပူးပေါင်းရင်းမြစ်များ

2 SAMUEL 23:10

Ama chu a tho a, Philistin mihai chu kut kham rak khawpin, a kâwlhnâm khawm inlet theilo rak khawpin a that a, chu ni chun LALPAIN nasatakin a ngampêk a; chun, mipuihai chu a hnungah râllâk thil la ding ngawtin an hung kîr nâwk a.

1 CHANCHIN SUINA 11:14

Chun, chu bu hmun lailung laia chun an ngîr a, an hum tlat tah a; Philistin mihai chu an that a, LALPA chun hnena ropuitakin anni chu a sanhim a.

1 CHANCHIN SUINA 11:18

Chuongchun, mi pathumhai chun Philistin sipaihai chu an nêr- thleng a, kul kawtkhâr bula Beth- lehema tuisunsuoa inthawk chun tui chu an va chawi a, an hung lâk a, David kuomah an hung lâk tah a: nisienlakhawm, David chun tui chu a dawn nawh a, LALPA kuomah a bunthlâk ta lem a.

INPÂKNA HLABU 109:5

Anni chun thil ṭha chu thil suolin an mi thung a, Ka hmangaina chu theidanain an mi thung bawk a.

INPÂKNA HLABU 119:109

Ka hringna hi ka kutah a um rawp hlak a, Nisienlakhawm, i dân chu ka theinghil ngai nawh a.

INPÂKNA HLABU 25:3

Anih, nangma nghâktu hrim hrim chu tukhawm muolphoin um naw ni hai, A san um loa vervêktaka thawtuhai ruok chu muolphoin um an tih.

INPÂKNA HLABU 69:4

A san boa a mi theidatuhai chu ka samzai nêkin an tam lem a, Indiknawtaka mi doa, mi sukbohmang tumtuhai chu mi hrâttak an nih, Kân rûk dêr naw khawm an min rultir a.

INPÂKNA HLABU 94:21

Mi fel hringna thaw tumin an pungkhâwm tâwl hlak a, Thisen demkailo chu thiemnaw an inchangtir bawk hlak.

FESUOKNA 14:13

Mosie chun mipui kuoma chun, “Ngîr ṭawk ṭawk unla, ṭi naw ro, LALPA sandamna, in ta dinga vawisûn a thaw ding chu en el ro; vawisûna Aigupta mi in hmuhai hi kumkhuoin in hmu nâwk ta naw ding a ni sih a.

JEREMIA 26:15

Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluo- tuhai chunga chun mi thiem thisen chu in intlungtir ngei ding a nih; thil dikah, LALPA chun in na hrieta hieng thuhai po po hi hril dingin in kuomah a mi hung tir a ni sih a,” tiin.

MATTHAI 27:24

Chuongchun, Pilatin ieng- khawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nang- nîn in thaw thawin thaw ro,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

JOHAN 15:25

Ieng khawm ni sien, an Dân Lekhabuah, ‘Annîn a san boin an mi theida,’ ti thu ziek kha, a hung tlungna dingin an thaw a ni hi.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha in- hriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

PHILIPPI 2:30

In mi sawmdâwlna tlin bâk chu sunzawmna dingin thi dâwn loa thâtak suoin, Krista sinthawna leiin thi vângin a lo um ta sih a.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni tah a, a hretuhai chun an mi sukdet pêk pei a.

RORELTUHAI 12:3

Nangni hlaka in mi sansuok nuom nawh ti ka hriet phingleh thi dâwn hlek loin ka ṭhang a, Ammon mihai chu do dingin ka vân thawk a, chuongchun, LALPAIN anni rawi chu ka kutah a pêk tah a; chuleiin, ieng dinga kei mi do dinga vawisûn hin hung inthawk am in nih a?” a tih a.

RORELTUHAI 9:17

(ka pa hin râl a lo dopêk cheu a, a lo thi pha hiel a. Midianhai kuta inthawk chun a lo sansuok ta cheu a;

1 SAMUEL 11:13

Saula chun, “Vawisûn kher hin chu tukhawm sukhlum ding a ni nawh ie, vawisûn hin LALPA chun Israelhai lai sandamna a hung siem ta sih a,” a ta.

1 SAMUEL 14:45

Chun, mipuihai chun Saula kuoma chun, “Israelhai laia hi san- damna ropuitak thawtu Jonathan hi a thi el ding maw? Teu lo e, LALPA hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thaw- pui a ni sih a,” an ta. Chuongchun, mipui chun Jonathan chu thi lo dingin an sanhim tah a.

1 SAMUEL 19:6

Chuongchun, Saula chun Jona- than rawl chu a ngai a, Saula chun, “Ṭawng inkhâmin, LALPA hringna sâlin ka hril a nih, ama chu sukhlum ni naw tawp a tih,” a ta.

1 SAMUEL 20:32

Chun, Jonathan chun a pa Saula chu a dawn a, a kuomah, “Ieng- dingin am sukhlum ding nîng a ta? Ieng am a thaw hrim leh?” a ta.

1 SAMUEL 22:14

Chuongchun, Ahimelek chun lal chu a dawn a, “Lal mâkpa, i mi rawntak hlak, in sûngkuo laia mi inzaum David ang hrim hrima mi ringum hi i siehlaw po pohai lai hin tu am a um a?

1 SAMUEL 28:21

Chun, nuhmei chu Saula kuoma chun a feh a, a lungngai êm êm ti a hriet a, a kuomah, “Ngai ta, i siehlawnu hin i hril chu ka awi a, thi le thi tiin ka kuoma i thuhrilhai chu ka pawm a nih.