1 SAMUEL 19:24 - Pathien Lekhabu Inthieng (BSI)

²⁴ Chun, ama khawmin a silfênhai a hlîp veh a, Samuel hmaa chun thu a hril ve ta nuk nuk a, chu ni zânkhuo le sûnnithlâk chun ruokin a zâl a. Chuleiin, “Saula khawm chu zâwl- neihai lai a ṭhang ve el am a ni tah?” ti hi an chîng sawng tah a.

1 SAMUEL 19:24 ပူးပေါင်းရင်းမြစ်များ

2 SAMUEL 6:14

Chun, David chu a theitâwpin LALPA hmaah a lâm a, David chun puonzaiinhmi thiempu zakawsîng a hâk a.

2 SAMUEL 6:20

Chuongchun, David chu a sûnghai malsâwm dingin a fe tah a. Chun, Saula naunu Mikal chu David tuok ding chun a hung suok a, “Vawisûna Israel lal chu a va ropui de! Mi hotak inzakna châng hre lo, ruoka um ang elin vawisûn khan a siehlaw nunghâkhai mithmuah ruok- in a um kha teh!” a lo tih a.

ISAI 20:2

chu lai chun LALPAIN Amoz naupa Isai bauin, “Fe la, i kâwnga saiip puon kha hlîp la, i kea kekawk kha sie rawh,” tiin a hril a. Chuong- chun, chuong ang chun a thawh a, saruok le kekawk bun loin a fe a fe tah a.

MIKA 1:8

Hi hi lei hin ṭap ka ta, khêk rak rak ka ta, inhlîp le saruokin um ka ta, sihalhai angin khêk ka ta, varîng- seihai angin inrûm ka tih.

NAMBAR 24:4

Pathien thu hai hrea, Iengkimthawthei inlârna hmuh a, Tlu bawkhupa mit hung var ta chun:

THILTHAWHAI 9:21

Chun, a thu hretuhai po po chun mak an ti hleh a; “Hi mipa hi Jerusalema hi hming lamtuhai suknawmna hlaktu kha a ni naw am a nih? Chuong mihai chu thiempu lalhai kuoma khuop puma ṭhuoi, a hung san a ni kha,” an ta.

1 SAMUEL 10:6

chun, LALPA thlarau nasatakin i chungah hung tlung a ta, nang khawm thu an hril duol duolnaa chun ṭhang vêng i ta, chun, mi danglam daiah inchang el i tih.

1 SAMUEL 15:35

Chuongchun, Samuel chun a thi ni chenin Saula chu a sir nâwk ta nawh a; amiruokchu, Samuel chu Saula leiin a lungngai a nih; chun, LALPA khawm chu Israelhai lal dinga Saula a lo siem chu ân sîr a nih.

1 SAMUEL 18:10

Chun, a zînga chun Pathien tir khawhri Saula chunga chun a hung tlung ta rak el a, in sûnga chun thu chu a hril ta nuk nuk el a, chun, David chun ni danga a thaw dân ang bawkin ṭingṭang a kei a: Saula chun a fei chu a chawi zing a.