1 SAMUEL 19:18 - Pathien Lekhabu Inthieng (BSI)

¹⁸ Tûn David chu a tlân hmang a, a him tah a, Rama khuoa Samuel kuomah a va tlung a, a chunga Saula thilthawhai po po chu a hril a. Chun, ama le Samuel chu an feh a, Naiothah an um a.

1 SAMUEL 19:18 ပူးပေါင်းရင်းမြစ်များ

INPÂKNA HLABU 116:11

Ka hamhaiin, “Mi po po khêl an nih,” ka lo ti tah a.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

1 SAMUEL 1:19

Chun, zingkâr an tho a, LALPA chu an biek a, an fe tah a, Rama khuoa an in chu an tlung nâwk tah a; chun, Elkana chun a nuhmei Hanna chu a pâwl a, chun, LALPAIN ama chu a hriet zing a.

1 SAMUEL 15:34

Chun, Samuel chu Rama khuo- ah a feh a; chun, Saula chu a umna khuo Gibeaa chun a hang fe tah a.

1 SAMUEL 19:19

Chun, Saula chu, “Ngai ta, David chu Rama khuoa Naiothah a um” ti an hril a.

1 SAMUEL 19:22

Chuongchun, ama khawm chu Rama khuoa chun a fe ve tah a; chun, Seku hmuna tuisunsuo lientak hmun chu a va tlung a, “Samuel le David hi khâwlai am an um a?” tiin ân dawn a. Chun, tuin amani hin, “Ngai ta, Rama khuoa Naiothah an um,” a ta.

1 SAMUEL 19:23

Chuongchun, Rama khuoa Naiotha chun a feh a, chun, Pathien thlarau chu a chunga chun a hung tlung ve tah a, a fe pei a, Rama khuoa Naioth a tlung hmakhat chun thu a hril malam pei a.

1 SAMUEL 20:1

Chun, David chu Rama khuoa Naiotha inthawk chu a tlân a, Jonathan kuoma chun a feh a, “Ieng am ka thaw leh? Ieng am ka bawsiet a? i pa chunga hin ieng am ka suksuol a hienga mi that tum a na?” a ta.

1 SAMUEL 21:11

Chun, Akis siehlawhai chun a kuomah, “Hi hi an ram lal David a ni naw am a ni kha? ‘Saulain a sânga sâng a that a, Davidin a sînga sîng a that a,’ tiha lâm pumin a chungchâng thu hlain an sak dur dur a ni naw am a ni kha?” an ta.

1 SAMUEL 28:3

Samuel chu a thi tah a, Israel mihai po poin an ṭah a, ama khuo ngei Rama khuoa chun an phûm tah a. Chun, Saula chun an khawhri aisânthiem zâwlnei le dawithiemhai chu a rama inthawk chun a hnawt suok vawng tah a.

1 SAMUEL 7:17

Chun, a in umna a ni leiin Rama khuoa chun a fe nâwk hlak a; chutaka chun Israel mihai ro a rêl a, chutaka chun LALPA ta dingin mâichâm a siem a.