1 SAMUEL 18:1 - Pathien Lekhabu Inthieng (BSI)

¹ Chun, Saula kuoma thu a hril zo chun Jonathan hringna le David hringna chu a lo inzawm ta chie el a, chuongchun, Jonathan chun ama hringna a hmangai ang chiein a hmangai tah a.

1 SAMUEL 18:1 ပူးပေါင်းရင်းမြစ်များ

INṬANNA 44:30

Chuongchun, Bawipu hi kan laia ṭhang loa, i siehlaw ka pa kuom ka hang tlung chun, a hringna chu Bawipu hringna le hin ân zawm tlat leiin hieng ang hi nîng a tih:

2 SAMUEL 1:26

Ka unaupa Jonathan, i chungthua hin ka lunginzîng a nih; Ka chungah i ṭha êm êm hlak a, I mi hmangaina chu a mak a, Nuhmei hmangaina chu a khûm dai a nih.

1 CHANCHIN SUINA 12:17

David chu anni tuok dingin a va suok a, anni chu a dawn a, an kuomah, “Kei mi ṭhangpui dinga muongumtaka hung in ni chun, ka lungril chu nangnia kawp tlat a ta, amiruokchu, ka kutin pawi a tâwk nawh ti hre zinga; ka hmêlmahai kuoma mîn mantir dinga hung in ni ruok chun, ei thlatuhai Pathien chun, chu chu en sienla cheu, kâwk raw se cheu,” a ta.

INPÂKNA HLABU 86:11

Aw LALPA, i lampui chu mîn chûktir la, i thutaka chun um ka tih, I hming ṭi dingin lungril sakhat mîn puttir rawh.

THUVARHAI 18:24

Ruolhai tamtak siemtu chun ama sietna ding el a thaw a nih, Amiruokchu, ruol unau nêka hnai lema kawp tlat chu a um a nih.

DÂN PAHNINA 13:6

“I unaupa, i nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin inrûka, “Pathien dang rawng bâwl ei tiu khai’ tih a nang amanih, i pa amanih khawma in hriet naw,

KOLOSSA 2:2

Chuongchun, hrieta ring tlatna lukhâwng po po chu dawng dinga hmangainaa insuikhawmin an lungrilhai chu thlamuonga a um thei a, Pathien thurûk Krista ngei chu an hriet theina dingin;

RORELTUHAI 20:11

Chuongchun, Israel mihai po po chu chu khawpui thaw ding chun, mi pakhat anga insuikhawmin, an pungkhâwm tah a.

1 SAMUEL 14:45

Chun, mipuihai chun Saula kuoma chun, “Israelhai laia hi san- damna ropuitak thawtu Jonathan hi a thi el ding maw? Teu lo e, LALPA hringna sâlin kan hril a nih, a sam zai khat khawm hi hnuoia tla hlek naw nih; vawisûn hin Pathien sin a thaw- pui a ni sih a,” an ta. Chuongchun, mipui chun Jonathan chu thi lo dingin an sanhim tah a.

1 SAMUEL 18:3

Chuongchun, Jonathan le David chun thu an thlung a, ama hringna ang chiea a hmangai leiin.

1 SAMUEL 19:1

Chuongchun, Saula chun a naupa Jonathan le a siehlaw- hai po po chu David chu that dingin a hril a.

1 SAMUEL 19:2

Nisienlakhawm, Saula naupa Jonathan chun David chu a ngaina hle el a. Chuongchun, Jonathan chun David chu, “Ka pa Saula chun that a tum cheh a, chuleiin, zîngah zîngkâr chun fîmkhur la, hmun inthupah inbi zing raw khai;

1 SAMUEL 20:17

Chun, Jonathan chun ama a hmangaina sâlin David kuoma chun ṭawng ân khâm nâwk a, ama hring- na a hmangai ang chiein a hmangai sih a.

1 SAMUEL 20:8

Chuleiin, i siehlaw hi ṭhatakin thaw la, i siehlaw chu LALPA thu- thlungah i lûtpui ta sih a; amiruok- chu, bawsietna nei ka ni chun nangin mi that law law el rawh, iengdingin am i pa kuoma chun mi ṭhuoi kher kher i ta?” a ta.

1 SAMUEL 22:8

in rêngin in mi enbing a, ka naupain Jesai naupa kuoma thu a ithlung ka kuoma suklang hrim hrim in um nawh a, a mi lungngaipui hrim hrim khawm in um nawh a, ka naupain ka siehlaw hi mi do ding le vawisûn ni chen khawma min chân dinga ân fui thu ka kuoma suklang hrim iengdinga in um naw?” a ta.

1 SAMUEL 23:18

David chu Horesha chun a um zing a; Jonathan ruok chu in tieng a fe tah a.