1 SAMUEL 17:52 - Pathien Lekhabu Inthieng (BSI)

⁵² Chun, Israel mihai le Juda mi- hai chu an tho a, an khêk a, Philistin mihai chu Gath chen le Ekron kul kawtkhâr chen rakin an hnawt tah a. Chun, Philistin mihai laia hliemhai chu Saaraim lampui intluonin Gath le Ekron chen chun an tlu phung el a nih.

1 SAMUEL 17:52 ပူးပေါင်းရင်းမြစ်များ

2 SAMUEL 23:10

Ama chu a tho a, Philistin mihai chu kut kham rak khawpin, a kâwlhnâm khawm inlet theilo rak khawpin a that a, chu ni chun LALPAIN nasatakin a ngampêk a; chun, mipuihai chu a hnungah râllâk thil la ding ngawtin an hung kîr nâwk a.

1 LALHAI 20:21

Chun, Israel lal chu a va suok a, sakawr le tawlailîrhai chu a va thawh a, Suria mihai chu a va that rak el a.

JOSUA 15:11

chun, ramri chu hmârtieng panga Ekron hrûla chun a fe suok a, chun, ramri chu Sikkeronah an infe- tir a; chun, Baala tlângah a fe pei a, Jabneelah a fe thla a, chuongchun, ramri chu tuisuorietah a va tâwp a.

RORELTUHAI 7:23

Chun, Israelhai chu Naphtali, Aser le Manasse hnam po poa inthawk an pung khâwm a, Midian- hai chu an hnawt tah a.

1 SAMUEL 17:53

Chun, Israel thlahai chun Phi- listin mihai an hnawt chu an kîrsan a, an riekhmun chu an suom tah a.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israel- hai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.

1 SAMUEL 5:8

Chuongchun, Philistin lal po pohai chu an kuomah an ko khâwm a, “Israelhai Pathien bâwm hi iengtin am ei thaw ding a na?” an ta. Anni chun, “Israelhai Pathien bâwm chu Gath khuoah va fepui ro,” tiin an dawn a; chuongchun, Israelhai Pathien bâwm chu an va fepui tah a.