1 SAMUEL 17:46 - Pathien Lekhabu Inthieng (BSI)

⁴⁶ Vawisûn hin LALPAIN nang hi ka kutah a mi pêk ding a nih, chun, that ka ti cheh a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;

1 SAMUEL 17:46 ပူးပေါင်းရင်းမြစ်များ

INṬANNA 40:19

tuta inthawka ni thuma chun Pharaoin i tisaa inthawkin i lu chu dawm kâng a ta, thing lêrah khai a ti che; chuongchun, vatehaiin i sa chu an fâk mur mur ding a ni chu,” a tih a.

2 SAMUEL 18:28

Chun, Ahimaaz chun a ko a, lal kuomah, “A ṭha vawng ie,” a ta. Chun, a hmaia hnuoi sikin lal hmaa chun chibai bûkin a kûn a, “Lalpa, ka lalpa thaw tuma kut thlâk tumtuhai lo dangtu LALPA i Pathien chu inpâkin um raw se,” a ta.

2 SAMUEL 21:10

Chun, Aia naunu Rizpa chun saiip puon a lâk a, bu sîk ṭantira inthawka vâna inthawka tuiin a hung burkhum chena a umna dingin, lungpui chungah ân zar khum a; an chunga sûna chunglêng vatehai fûk le ramsahai um khawm a phal nawh a.

1 LALHAI 8:43

nangin i umna vâna inthawkin lo ngai la, hnam dang mi chun a hni ang che chu lo thawpêk rawh; i mi Israelhai ang bawka khawvêla hnam tinin i hming an hriet a, an ṭi cheh a, hi ka in bâwl hin i hming a put a nih ti an hung hriet theina dingin.

1 LALHAI 8:60

LALPA hi Pathien a na, tu- khawm dang an um nawh ti khawvêla hnam tinin an hung hriet theina dingin.

2 LALHAI 19:19

Chuleiin, aw LALPA kan Pa- thien, nang, nangma chau hi LALPA Pathien i nih ti hnuoi chung ram po po hin an hriet theina dingin amaa inthawk hin mi sanhim ngei ngei rawh,” tiin.

2 LALHAI 5:15

Chun, Pathien mi kuoma chun ama le a ruolhai po po leh an hung kîr nâwk a, a hmaa chun a ngîr a; ama chun, “Tuhin ngai ta, hnuoi chung po poah, Israel rama chau naw hin chu Pathien a um nawh ti ka hriet tah; chuleiin, tuhin ka ngên che a nih, i siehlaw thilpêk hi la rawh,” a ta.

INPÂKNA HLABU 31:8

A mi dotuhai kutah nangin i mi khum nawh a, Ka ke hi hmun inthâwltakah în nghat ta lem a.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

FESUOKNA 9:16

nisienlakhawm, hi thilthaw kawng ngeihaia hin ka thilthawthei- nahai chu nangmaa inentir a ni theina ding le khawvêl po poa ka hming chu phuongdar a ni theina dingin ka la dawmngir zing che a ni hi.

ISAI 37:20

Chuleiin, aw LALPA kan Pathien, nang hi, nang chau hi, LALPA i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 52:10

LALPA chun hnam tinrênghai mithmua chun a bân inthieng chu a hlîm tah; chuongchun, kâwlkaw- dawnga mi po poin ei Pathien san- damna chu hmûng an tih.

ISAI 56:9

Ram sa po pohai, anih, ram- hnuoia sa um po pohai, fa dingin hung ro.

JEREMIA 19:7

Chun, hi hmuna hin Juda ram le Jerusalem thurawt chu inthlâwntir ka ta; an hringna zawngtuhai le, an hmêlmahai hmaa chun kâwlhnâmah intlûktir ka tih; chun, an ruonghai chu chunglêng vatehai le, hnuoia ramsahai ta dingin bu dingin pêng ka tih.

JEREMIA 34:20

anni khawm chu an hringna zawngtuhai le, an hmêlmahai kuta chun pêng ka tih; chuongchun, an taksa thihai khawm chu hnuoia ramsahai le chunglêng vatehai ta dinga bu nîng a tih.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i phuong theizie hmu hrim hin, thurûkhai phuongtu chu a ni ngei hi,” a ta.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

MATTHAI 24:28

Khâwlaia khawm saruong umna taphawta chun mulukawlhai khawm um khâwm an tih.

DÂN PAHNINA 28:26

In ruong chu chunglêng vate po po le ramsa po pohai bu nîng a ta, a hnawthmangtu um dêr naw ni hai.

DÂN PAHNINA 7:2

in sukbohmang vawng ding a nih; anni le chun thu in thlung ding a ni nawh a, in lunginsiet ding khawm a ni nawh.

DÂN PAHNINA 7:23

An bohmang hma khat chu LALPA in Pathienin anni pêng a ti cheu a, buoi namênin anni sukbuoi naw nih.

JOSUA 10:8

Chun, LALPAIN Josua kuomah, “Anni chu ṭi dêr naw rawh, i kutah ka pêk vawng tah a nih; anni laia mi tukhawm i hmaah ngîr thei ding hrim hrim an um nawh,” a tih a.

JOSUA 4:24

Leihnuoia hnam tinrêngin LALPA kut hi a lo hrât a nih ti an hriet thei a, LALPA in Pathien chu kumkhuoa an ṭi theina dingin,” tiin.

1 SAMUEL 14:6

Chun, Jonathan chun, a râl- thuom chawitu tlangvâl kuoma chun, “Hung rawh, sertan lo sipaihai umnaa sawn va fêng ei tih; LALPA chun thil a mi thawpêk khiet rawi mawh; LALPA ta ding chun a tam amanih, a tlâwm amaniha sandam chu ieng- khawm a thei nawna a um chuong si nawh a,” a ta.

1 SAMUEL 17:44

Philistin mi chun David kuom- ah, “Hung ta, i sahai kha ramsahai le chunglêng vatehai lo infâktir ka tih,” a ta.