1 SAMUEL 17:12 - Pathien Lekhabu Inthieng (BSI)

¹² Chun, David chu Jesai naupa a na, ama chu Bethlehem-Judaa Ephrath mi kha a na, naupasal pariet a nei a; ama chu Saula inlal lai chun tartak a ni tah a, tarsiea ngai a ni tah.

1 SAMUEL 17:12 ပူးပေါင်းရင်းမြစ်များ

INṬANNA 35:19

Chuongchun, Rakil chu a thih a, Ephrath lampuia chun an phûm a (Ephrath chu Bethlehem a nih).

2 SAMUEL 23:1

Hieng hi David thuhril nuhnung tak a nih, Jesai naupa David chun a hril a; “Insângtaka dawm sânga, Jakob Pathien hrieknâl, Israelhai hla mawitak phuoktu chun a hril a;

INPÂKNA HLABU 132:6

Ngai ta, a thu chu Ephrathaah kan hriet a, Rampui phûla chun kan hmu tah a.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MATTHAI 1:6

Jessaiin lal David a thlah a; chun Davidin Uria nuhmei leh, Solomon a thlah a;

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni sih a, Ka mi Israelhai vêngtu ding chu,’ ti hi,” an ta.

RUTH 1:2

Chu mipa hming chu Elimelek a nih, a nuhmei hming chu Naomi, a naupasalhai pahni hming chu Mahlon le Kilion an nih; Juda ram, Bethlehema Ephrath mi an nih. Moab rama chun an feh a, chutaka chun an um ta zing a.

RUTH 4:17

Chun, a tuolbâwm nuhmei- hai chun, nau hming chu an hung sak a, “Naomiin naupasal a nei tah,” tiin a hmingah Obed an sak a; ama chu, David pa Jesai a pa a hung nih.

RUTH 4:22

Obed chu Jesai pa a na, Jesai chu David pa a nih.

1 SAMUEL 1:1

Ephraim tlâng rama Ramathaim- zophim khuoa chun mi pakhat a um a, a hming chu Elkana a nih; ama chu Jeroham naupa a na, ama chu Elihu naupa a na, ama chu Tohu naupa a na, ama chu Ephraim mi Zuph naupa a nih.

1 SAMUEL 16:1

Chun, LALPA chun Samuel kuomah, “Israel mihai lal dinga ka dit ta naw hnung chu Saula lei hin ieng chen am i lungngai ding a ni leh? I kiah hriek thun sip la, fe rawh; Bethlehem mi Jesai kuomah ka tir ding che a nih, a naupasalhai laia mi lal dingin ka ruot zing tah a nih,” a ta.

1 SAMUEL 16:18

Chuongchun, tlangvâl pakhat chun a dawn a, a kuomah, “Ngai ta, Bethlehem mi Jesai naupa pakhat chu ka hmu tah a, ama chu kei thiem- tak, mi huoitak, indo mi, thuhril thiemtak, hmêl ṭhatak a nih; a kuomah LALPA khawm a um a nih,” a ta.

1 SAMUEL 17:11

Chun, Saula le Israelhai po poin chu Philistin mi thuhril an hriet chun an ṭih a, an inlau ta êm êm el a.

1 SAMUEL 17:58

Chun, Saula chun, “Tu naupa am i nih a, tlangvâl?” a ta. David chun a dawn a, “Bethlehem mi i siehlaw Jesai naupa ka nih,” tiin, a dawn a.