1 SAMUEL 16:7 - Pathien Lekhabu Inthieng (BSI)

⁷ Nisienlakhawm, LALPA chun Samuel kuoma chun, “A hmêl tieng amanih, ân sang tieng amanih en naw rawh, ama hi chu ka dit naw a nih, LALPA chun mihriem en dân angin a en ve si nawh a, mihriem chun puotienga inlang dân an en hlak a, LALPA ruok chun lungril tieng a en lem hlak a nih,” a ta.

1 SAMUEL 16:7 ပူးပေါင်းရင်းမြစ်များ

INṬANNA 4:5

Kaina le a thilinhlân ruok chu a lâwm ve nawh a. Chuongchun, Kaina chu a lunginsen êm êm a, a hmêl a hung inthim khup el tah a.

2 SAMUEL 14:25

Tuhin Israelhai po po lai Absalom ang hrima hmêl ṭhata inpâk kai tukhawm an um nawh a, a ke lêra inthawka a lusîp chenin sawisêlna hrim hrim a um nawh a.

2 SAMUEL 7:20

David hin i kuomah ieng am hril nâwk chuong tâng a ta? I siehlaw hi i hriet vawng si, Aw Lalpa PATHIEN.

1 LALHAI 8:39

i umna vâna inthawkin lo ngai la, ngaidam la, châng la, nang an lungril hretu, mi tin an um dân ang peiin inhlawtir la, (nang chu chu, nang chau hi mihriem nauhai po po lungril hretu i ni sih a;)

1 CHANCHIN SUINA 17:18

i siehlaw chawimawia a um chungthua hin, hi bâk hi David hin ieng am i kuoma la hril sa rawp a ta? I siehlaw chu i hriet chieng sih a.

1 CHANCHIN SUINA 28:9

Chun, nang ka naupa Solomon, i thlatuhai Pathien chu hre la, lungril inhâwktak le lungril tlûntakin ama rawng chu bâwl rawh; LALPA chun lungril sûng po po chu a zawng suok hlak a, lungrila tumhai khawm chu a hriet hlak sih a; ama chu i zawng chun, i hmuah um ngei a ta; amiruok- chu, ama chu i nghatsan chun, ama khawmin kumkhuoa dingin pei thla vêng a ti che.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin LALPA mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw tah a, chuleiin, tuta chin chu indonahai khawm nei zing tâng i tih,” a ta.

2 CHANCHIN SUINA 6:30

i umna vâna inthawk chun nangin lo hre la, ngaidam la, mi tin chu, a lungril chu nangin i hriet a, a lampuihai ang po po ngei chun nangin inhmutir rawh; (nang chun, nang chauin mihriem nauhai lungril chu i hriet sih a;)

JOB LEKHABU (THE BOOK OF JOB) 10:4

Nang chun tisa mithai chu i neiin, Annawleh, i kumhai chu mihriemin an hmu angin i hmu am a nih?

JOB LEKHABU (THE BOOK OF JOB) 35:5

Vânhai tieng khi ngha la, en ta; Sûmhai khi en ta, nanga nêkin an insâng lem a nih.

INPÂKNA HLABU 139:2

Nangin ka ṭhung le ka ngîr hi i hriet hlak a, Ka ngaituona hi hlataka inthawk khawmin i hriet thiem hlak.

INPÂKNA HLABU 7:9

Aw mi rilohai rîtlona chu hung tâwp ta sienla, mi felhai ruok chu sukdet rawh. Pathien feltak chun lungrilhai le lungvarhai chu a fie hlak sih a.

THUVARHAI 15:11

Seol le Abaddon hman LALPA hmaa chun an um a, Mihriem nauhai lungrilhai chu a va um nasa âwm deh e!

THUVARHAI 16:2

Mihriem lampuihai po po chu ama mithmuahai chun ân thieng a, LALPA ruok chun lungrilhai chu ân khi hlak.

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 31:30

Ditsakna hi hmusitum a na, mawina khawm hi teplo mei mei a nih, Amiruokchu, nuhmei LALPA ṭitu chu, ama chu inpâkin um a tih.

JEREMIA 11:20

Nisienlakhawm, aw sipaihai LALPA, indiktaka rorêltu, lungril le hrietnahai fietu, anni chunga i phubalâkna chu mîn hmutir rawh; nangma kuoma chu ka thu chun ka hung târlang sih a.

JEREMIA 17:10

Kei LALPA hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 20:12

Nisienlakhawm, aw sipaihai LALPA mi fel chu fieh a, lungril le lungvar hmutu, anni chunga i phu- balâk chu mîn hmutir la; nangma kuoma ngei chun ka chungthu chu ka hung târlang sih a.

LUKA 16:15

Chuongchun, ama chun an kuomah, “Mi mithmua insukfel el in nih, nisienlakhawm, Pathienin in lungril a hriet sih a; mihriem laia an ichawimawi chu Pathien mithmua chun tirdakumtak a nih.

JOHAN 7:24

ân lang angin ngaituo naw unla, feltakin ngaituo lem ro,” a ta.

JOHAN 8:15

Nangnîn tisa angin in sawisêl hlak; kei ruok chun tukhawm ka sawisêl nawh.

THILTHAWHAI 1:24

Chun, an ṭawngṭai a, “Lalpa, Nang mihriem po po lungril hretu, hienghai hi a tu lem am i thlang mîn hriettir la;

2 KORINTH 10:10

“A lekhathawnhai chu a rikin a ngar a, a taksa tieng ruok chu a âwmnêm a, a ṭawng khawm insit a um a nih,” an ti sih a.

2 KORINTH 10:7

In mithmua thil umhai chu a nih in en hlak chu. Tûkhawmin Krista ta nia ân ring chun, hi hi mâkhâtin ngaituo nâwk raw se; ama chu Krista ta a ni ang bawkin keini khawm kan ni ve hi.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

1 PETER 2:4

Ama chu lung hring, mihriemhai dit naw ngei, Pathien ngaia ruok chun thlang le hlutak a nih,

1 PETER 3:4

lungrila mihriem thupa um, lungril thuhnuoirawl le nuninnêm silfên se thei loa inthuom ni lem raw se, chu chu Pathien mithmu chun a hlu bêk bêk a nih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

1 SAMUEL 2:3

Chuong ang taka chapo chun thu hril ta naw unla, In baua inthawkin ṭawng chapo hrim hrim suok naw raw se; LALPA chu varna Pathien a ni sih a, Ama chun thilthawhai chu a bûk fie hlak.

1 SAMUEL 9:2

Chun, ama chun naupa a nei a, a hming chu Saula a nih; tlangvâl pieng ṭhatak a na, Israel mihai laia chun ama nêka pieng ṭha hrim hrim an um nawh a, a liengko nêka insâng mi dang hrim hrim an um nawh.